Gjykata e Tiranës të mërkurën e 10 nëntorit ka caktuar masën “arrest me burg” për Fredi Rrushin, i cili akuzohet për rrëmbimin dhe vrasjen e shokut të tij, biznesmenit, Ruzhdi Hoxha.
Po të njëjtën masë ka marrë dhe për vëllain e tij, Pajtim Rrushi, i cili dyshohet se ndihmoi të vëllain që të fshihte trupin e pajetë në një greminë në Qafë Mollë, Dajt.
Pas mbylljes së hetimeve Prokuroria të hënën kërkoi dёnim me burg pёr autorin e dyshuar dhe vёllain e tij.
Sipas policisë, Pajtim Rrushi dyshohet se ka fshehur makinën që u përdor në krim. Megjithatë, flitet se nuk është hera e parë që i akuzuari si bashkëpunëtor përfundon në dyert e policisë.
Ndërsa Fredi Rrushi është arrestuar më 26 tetor 2021 nga policia e Tiranës, si person i shpallur në kërkim ndërkombëtar nga autoritetet italiane për veprën penale të trafikimit të narkotikëve.
Ky shtetas dyshohet edhe si porositësi dhe organizatori i kultivimit të bimëve narkotike në fshatin Ballenj, më 31 tetor, ku u vunë në pranga shtetasit A. D dhe G. K.
Nga ekspertiza paraprake ka rezultuar se shtetasi Ruzhdi Hoxha është vrarë me armë zjarri.
Çfarë ka ndodhur deri më tani?
Trupi i pajetë gjendet në morgun e spitalit për kryerjen e ekspertizës mjeko-ligjore për të përcaktuar shkakun e humbjes së jetës.
Pas një pune 10 ditore të bërë nga grupi hetimor u bë e mundur grumbullimi i provave për autorësinë e kësaj ngjarje dhe mesditën e 6 nëntorit u gjet një xhup, i cili rezultoi se i përkiste Hoxhës.
Nga informacionet paraprake në trupin e tij u gjetë shenja dhune.
43-vjeçari, pronar i një biznesi inertesh në Kamëz kishte humbur kontaktet prej 14 ditësh me familjarët.
Djali i Ruzhdi Hoxhës ka denoncuar në polici rastin më 24 tetor, ndërsa një ditë më pas është shoqëruar në polici miku i të humburit, Fredi Rrushi.
Kjo pasi ai ishte personi i fundit me të cilin Hoxha kishte pasur kontakt.
Rrushi ka deklaruar në Komisariat se për herë të fundit e ka takuar në zonën e Mëzezit.
Dy pistat kryesore ku po hetonte policia ishte ajo e rrëmbimit sepse kohët e fundit ai kishte shumë probleme me bizneset dhe ishte i zhytur në borxhe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’