Kandidati për kryetar të komunës së Prishtinës, nga radhët e Lëvizjes Vetëvendosje, Arben Vitia, i shoqëruar nga bashkëshortja e tij, ka shfrytëzuar të drejtën e tij për të votuar në raundin e dytë të zgjedhjeve.
Pas procesit të votimit, Vitia ka theksuar se në këtë ditë vendoset fati i kryeqytetit, andaj ka bërë thirrje drejt qytetarëve që të dalin të shfrytëzojnë të drejtën e votës, për të forcuar demokracinë.
“Sapo e shfrytëzova te drejtën e votës. Dita e zgjedhjeve është thelbësore për demokracinë dhe shtetin tonë. Sot vendoset fati i kryeqytetit tonë ndaj është shumë e rëndësishme që secili të marrë pjesë në këtë proces të votimit prandaj bej ftesë që masivisht të gjithë qytetarët të dalin në këto zgjedhje, të forcojnë demokracinë e të japim shembull të demokracisë ashtu siç kemi dhënë në këto vite e kaluara”, është shprehur Vitia.
Komuna me më së shumti votues është ajo e Prishtinës, me gjithsejtë 195 mijë e 978 votues, ku ka 52 qendra të votimit me 238 vendvotime.
Në garë për kryeqytetin janë kandidati i LVV-së Arben Vitia dhe kandidati i Lidhjes Demokratike të Kosovës, Përparim Rama.
Vitia në raundin e parë kishte marrë gjithsejtë 36 mijë e 818 vota apo 42,54 për qind, kurse Përparim Rama, 25 mijë e 252 vota apo 29,17 për qind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’