Vijnë dhuratë nga Greqia 20 mijë doza vaksine AstraZeneca

Kanë mbërritur 20 mijë doza të vaksinës AstraZeneca në Aeroportin “Nënë Tereza”. në Shqipëri.  Vaksinat e ardhura janë dhuratë nga qeveria e shtetit fqinj, Greqia.

Për të pritur vaksinat ishin të pranishme zv.ministrja e Shëndetësisë, Eugena Tomini, dhe ambasadorja e Greqisë Sofia Philippidou.

Falënderime për shtetin Grek ka shprehur edhe ministrja e Shëndetësisë, Ogerta Manastirliu.

Kjo e fundit ka përdorur median sociale Facebook, ku ka dhënë lajmin se kanë mbërritur 20 mijë doza vaksine dhe shpreh mirënjohjen për Greqinë.

“Mirënjohje qeverisë së Republikës së Greqisë për mbështetjen. Solidariteti na bën më të fortë”.

“Do të vijojmë pa u ndalur me planin kombëtar të vaksinimit, për mbrojtjen e jetës dhe shëndetit të çdo qytetari”, mbyll shkrimin e saj ministrja.

Lajmin për dhurimin e vaksinave nga qeveria greke, e ka bërë të ditur zëdhënësja e qeverisë greke, Aristotel Peloni, më 3 qershor.

Ajo tha se Greqia do të dhurojë 40 mijë vaksina për Shqipërinë dhe  Maqedoninë e Veriut.

Vaksinimi deri tani

Në Shqipëri procesi i vaksinimit vijon normalisht. Deri tani janë kryer mbi 823 mijë vaksinime anti-covid.

Procesin e kanë përmbyllur mbi 300 mijë qytetarë, të cilët janë pajisur edhe me pasaporta vaksinimi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.