Në komunën e Zveçanit janë duke u vendosur kamera të sigurisë, derisa sipas zëvendësdrejtorit të Policisë së Kosovës për rajonin e veriut, Veton Elshani, kjo po bëhet në bashkëpunim me Agjencinë për Privatësi.
Ai ka theksuar për Albanian Post se kamerat do të vendosen pranë pompës “NIS” dhe në afërsi të magazinës “Metal” në këtë qytet.
Tutje, Elshani ka theksuar se plani është që veriu i Kosovës të mbulohet nga rreth 200 kamera, ku përfshihen edhe ato ekzistuese.
“Vetëm në javën e fundit patëm dy raste ku ne i kemi identifikuar 10 persona për dy sulme, pikërisht për shkak të kamerave, të cilat nuk kishin ndonjë kualitet të madh, por sidoqoftë na kanë ndihmuar që ne t’i ndriçojmë këto raste”, potencoi Elshani.
Ndryshe, më 26 prill, Policia e Kosovës filloi instalimin e kamerave në katër komunat veriore të vendit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Filipinet i bëjnë thirrje SHBA-ve dhe aleatëve të rrisin investimet në vend
-
Izraeli tashmë ka shkatërruar qindra shtëpi në këtë fshat beduin
-
Bizneset perëndimore tërhiqen nga planet e tyre të largimit nga Rusia
-
Gozi: Vetëm struktura aktuale mund të garantojë një të ardhme për BE-në, Meloni është mësuar të gënjejë
