Apple prezantoi katër modele në linjën e saj të iPhone 14 të mërkurën. Gjenerata e re e iPhone-ve u përball me disa kritika për mungesë inovacioni.
Megjithatë, këtë vit, një zë i ri i dukshëm iu bashkua korit të kritikave kundër iPhone 14 – Eve Jobs, vajza e bashkëthemeluesit dhe CEO të ndjerë të Apple, Steve Jobs.
Eve Jobs, 24 vjeç, duke nënkuptuar se Apple në thelb po ripërdornin modelet e mëparshme me çdo gjeneratë të re të iPhone.
Në Instagram Stories, ajo postoi një meme që tregon një burrë duke mbajtur një këmishë që është identike me atë që ai tashmë ka veshur. “Unë po kaloj nga iPhone 13 në iPhone 14” lexohej në mbishkrim.
Steve Jobs konsiderohet gjerësisht si një vizionar që bashkëthemeloi Apple në garazhin e prindërve të tij në vitin 1976.
Në kohën e vdekjes së tij në vitin 2011, Apple ishte rritur në një nga kompanitë e teknologjisë më të vlefshme në botë. Jobs njihet për transformimin e industrisë, dhe shumë fansa të Apple sot janë të mendimit se inovacioni në kompani u ndal pas vdekjes së tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE