Hakerët e mbështetur nga agjencia e spiunazhit të qeverisë së Kinës janë akuzuar nga SHBA dhe Mbretëria e Bashkuar për kryerjen e një fushate sulmesh kibernetike prej vitesh.
Një fushatë kjo, e cila ka synuar politikanë, gazetarë dhe biznese.
Operacioni pa disidentët politikë dhe kritikët e Kinës në shënjestër të fushatave të sofistikuara, sipas SHBA-ve, gjë që rezultoi në komprometimin e disa sistemeve dhe rrjeteve të postës elektronike.
Qeveria amerikane sakaq ka njoftuar sanksione kundër hakerëve që pretendon se ishin përgjegjës për funksionimin e skemës.
Dy individë dhe një kompani frontale e lidhur me grupin e spiunazhit kibernetik APT31, i cili është i lidhur me ministrinë kineze të sigurisë së shtetit, janë goditur me sanksione nga MB.
Zyra e Thesarit të SHBA-ve për kontrollin e aseteve të huaja ka deklaruar se sanksionoi është kundrejt Wuhan Xiaoruizhi Science and Technology Company Ltd, të cilën e quan një front për ministrinë kineze të sigurisë së shtetit që “ka shërbyer si mbulesë për operacione të shumta keqdashëse kibernetike”.
Në njoftimet për shtyp dhe padinë e pavulosur, qeveria amerikane ka akuzuar Kinën për kryerjen e një programi hakerash të përpunuar dhe pushtues të mbështetur nga shteti, që daton më shumë se një dekadë.
Merrick Garland, Prokurori i Përgjithshëm i SHBA-ve, e ka quajtur operacionin e hakerimit provë të “qëllimeve në të cilat qeveria kineze është e gatshme të shkojë për të synuar dhe frikësuar kritikët”.
Zyra po ashtu ka emëruar dy shtetas kinezë, Zhao Guangzong dhe Ni Gaobin, të lidhur me kompaninë Wuhan, për operacione kibernetike që synonin sektorët kritikë të infrastrukturës amerikane, duke përfshirë mbrojtjen, hapësirën ajrore dhe energjinë.
Gjithashtu i ka renditur këto kërcënime si pjesë e grupit të hakerave kibernetike APT 31, i cili qëndron për “kërcënim të vazhdueshëm të avancuar” dhe përfshin hakerë me kontratë dhe oficerë të inteligjencës të sponsorizuar nga shteti.
“APT 31 ka shënjestruar një gamë të gjerë zyrtarësh të rangut të lartë të qeverisë amerikane dhe këshilltarët e tyre pjesë përbërëse të sigurisë kombëtare të SHBA-ve”, ka deklaruar departamenti.
Fushata e hakerimit përfshinte dërgimin e mbi 10 mijë email-eve me qëllim të keq, të cilat përmbanin lidhje të fshehura gjurmuese që lejuan APT 31 të aksesonte informacionin rreth objektivave të tyre, duke përfshirë vendndodhjet dhe adresat IP.
Email-et synonin zyrtarë qeveritarë në mbarë botën që ishin kritikë ndaj politikave të Kinës, duke përfshirë stafin e Shtëpisë së Bardhë dhe punonjësit e fushatës zgjedhore nga të dyja partitë kryesore, sipas departamentit të drejtësisë.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
