Ushqimet që ndikojnë në rritjen e dëshirës seksuale

Të kesh një dëshirë seksuale të shëndetshme është e lidhur me ndjenjën e shëndetit fizik dhe emocional, kështu që nuk është çudi që ushqimet që hani luajnë një rol në nxitjen e jetës tuaj seksuale.

Ngrënia e një diete të pasur me perime dhe proteina pa yndyrë – dhe me ushqime të ulëta që përmbajnë sheqer dhe yndyra të ngopura – mund të ndihmojë në parandalimin e çrregullimeve që ndikojnë në epshin tuaj, si sindroma metabolike dhe kushtet hormonale.

Këtu janë disa ushqime të mbushura me lëndë ushqyese që mund të përmirësojnë epshin dhe shëndetin tuaj të përgjithshëm.

Guacat e detit

Me siguri keni dëgjuar për vetitë afrodiziake të guacave të detit. Ato janë të pasura me zink. Përbërës ky që ndikon në rritjen dhe rrjedhjen e gjakut,

Zinku mund të jetë veçanërisht i rëndësishëm në fertilitetin mashkullor, pasi ndihmon në rregullimin e niveleve të testosteronit.

Nëse nuk jeni adhurues i ushqimeve të detit, në vend të tyre provoni: mishin e viçit, derrit, fasulet, farat e kungullit dhe drithërat.

Ngrënia e mishit, ose ushqimeve të tjera që përmbajnë aminoacide specifike, mund të ndihmojnë në përmirësimin e jetës tuaj seksuale.

Ushqime të ndryshme me proteina të larta – duke përfshirë viçin, pulën dhe derrin – përmbajnë komponime që ndihmojnë në përmirësimin e qarkullimit të gjakut, të tilla si: karnitinë, L-arginine dhe zink.

Rrjedha e qetë e gjakut është thelbësore për përgjigjen seksuale tek njerëzi e të gjitha moshave dhe të dy gjinive.

Nëse jeni duke ndjekur një dietë vegjetariane, mund t’i merrni këto lëndë ushqyese nga drithërat dhe produktet e qumështit, duke përfshirë qumështin dhe djathin.

Karnitina dhe L-arginina janë aminoacide që gjenden në ushqime të ndryshme me shumë proteina. Drithërat dhe qumështi janë veçanërisht burime të mira të zinkut.

Arrat dhe farat

Në vend të karameleve, provoni të hani një grusht arra dhe fara.

Arrat, farat, lajthitë dhe bajamet janë të mbushura me zink, ndërsa një mori ushqimesh të shëndetshme përmbajnë L-arginine për të siguruar rrjedhjen e gjakut.

Mollët

Mollët janë të pasura me një përbërës të quajtur kuercetinë. Ky antioksidant – një flavonoid – mund të ofrojë një sërë përfitimesh shëndetësore.

Për sa i përket seksit, kuercetina luan një rol të rëndësishëm në nxitjen e qarkullimit të gjakut dhe menaxhimin e simptomave të prostatit.

Kuercetina mund të ulë me sukses presionin e gjakut në doza më të mëdha se 500 mg në ditë.

Presioni i lartë i gjakut mund të shkaktoj mosfunksionim seksual sepse dëmtimi i enëve të gjakut dëmton rrjedhjen e gjakut në organet gjenitale.

Te femrat, presioni i lartë i gjakut mund të çojë në një epsh më të ulët dhe më pak interes për seksin, veçanërisht nëse shkakton lodhje. Rrjedhja e ulët e gjakut në vaginë mund të ndikojë në mënyrën se si trupi i tyre reagon ndaj aktivitetit seksual.

Në përgjithësi, një dietë e pasur me flavonoide për të rritur shëndetin tuaj të përgjithshëm dhe për të mbajtur të shëndetshme jetën tuaj seksuale.

Ushqimet e shëndetshme të pasura me flavonoid përfshijnë: mollët, luleshtrydhet, boronicat, rrushin, verën e kuqe, qershitë, agrumet etj.

Vera e kuqe

Ashtu si mollët, vera e kuqe përmban kuercetinë, një antioksidant që nxit qarkullimin e gjakut.

Një studim i vitit 2009 që përfshinte 798 gra zbuloi se marrja e rregullt dhe e moderuar e verës së kuqe lidhej me dëshirën më të lartë seksuale, lubrifikimin dhe funksionin e përgjithshëm seksual.

Studiuesit vunë re se pirja e më shumë se dy gotave verë të kuqe në ditë ose konsumimi i llojeve të tjera të pijeve alkoolike nuk dha të njëjtat rezultate.

Thënë kështu, pirja e verës ose e ndonjë alkooli me tepricë mund të ketë efektin e kundërt, duke çuar në mosfunksionim seksual.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.