CSKA e Moskës nuk duket se do të rrijë duarkryq përballë zgjatjes së mundshme të pezullimit nga Euroliga në basketboll.
Sipas mediave ruse, presidenti i CSKA-së, Andrei Vatutin, është duke u përgatitur për krijimin e një lige alternative. Ligë në të cilën do të merrnin pjesë 18 ekipe nga Evropa Lindore.
Ideja e garës përfshinë pjesëmarrjen e pesë ekipeve ruse, katër turke, tre greke, tre serbe dhe nga një përkatësisht nga Bullgaria, Hungaria dhe Mali i Zi.
Si fillim çdo ekip pjesëmarrës do të përfitonte një bonus prej 5 milionë eurosh. Ndërsa, ekipi që do të fitonte ligën do të merrte edhe 4 milionë euro të tjera. Një shifër katër herë më e lartë se ajo që Euroliga ofron aktualisht.
Ftesat me sa duket tashmë i janë dërguar kampionëve në fuqi të Euroligës, Anadolu Efes dhe Fenerbahçe-s, si dhe tre skuadrave të tjera turke, Galatasaray , Darussafaka dhe Gaziantep.
Në plan përfshihen edhe grekët Olympiacos dhe Panathinaikos, me opsione pjesëmarrje edhe për Aris, PAOK dhe AEK.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Protesta para Bashkisë Tiranë, policia thirrje që të mos kryhen akte dhune
-
Nëse BE-ja dëshiron të jetë një fuqi globale, ka nevojë për një ‘Big Bang’ dhe 36 anëtarë
-
Perez: BE-ja ta çojë përpara aplikimin e Kosovës dhe ta ndëshkojë Serbinë
