Pa dijeninë e askujt, sot ka filluar zyrtarisht “saga” Erling Braut Haaland.
Mino Raiola, agjenti i Haaland-it, dhe Alf-Inge, babai i tij, pasi u takuan sot me zyrtarët e Barcelonës, janë në Madrid, për tu takuar me Florentino Perez-in.
🚨| Raiola and Haaland's father in Madrid. @elchiringuitotv #rmalive pic.twitter.com/5FLZiYXxno
— Madrid Zone (@theMadridZone) April 1, 2021
Sky Sports, Fabrizio Romano, Marca dhe shumë tabloide të mëdha sportive kanë konfirmuar se Raiola dhe Haaland e kanë bërë zyrtar lajmin se do të largohen nga klubi gjerman te zyrtarët e lartë të Dortmund-it.
Pa asnjë njoftim, Raiola dhe Alf-Inge Haaland sot filluan “tour-in” e tyre për tu takuar me ekipet e interesuara për fantazistin norvegjez.
Sot, ai filloi me Spanjën, ku fillimisht u takua me drejtuesit e Barcelonës, dhe tani me ata të Real Madrid-it.
Takimet e rradhës priten të jenë në Angli me klubet e Manchester-it dhe me Chelsea-n.
Agjenti dhe babai i lojtarit janë të interesuar të shohin se çfarë projekte dhe propozime ofrojnë klubet dhe pastaj të vendosin për të ardhmen.
Dita e sotme na siguron të gjithëve që “saga” Haaland do sjellë një luftë të madhe në merkato.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
