Sergio Pettis, luftëtari i arteve marciale që garon në peshat e lehta (51-54 kilogramë) përmbushi rikthimin e vitit me një knock-out ndaj Kyoji Horiguchi-t.
Sergio, vëllai i vogël i luftëtarit që garon në UFC, Anthony Pettis, po humbte në eventin kryesor të Bellator-it numër 272 kundër Horiguchi-it.
Ai po humbte tre me zero me raunde dhe disfata ishte pothuaj e sigurt.
Në raundin e katërt erdhi magjia – që e bën këtë sport tërësisht të paparashikueshëm.
.@sergiopettis OUTTA NOWHERE! 😱 😱 😱 😱
What a way to end the 2021 Bellator MMA season LIVE on @SHOsports. #Bellator272 pic.twitter.com/g8Kstu4E3v
— BellatorMMA (@BellatorMMA) December 4, 2021
Pettis pasi nuk përmbylli një high leg kick (shkelm drejt fytyrës), rrotullohet në vete duke i dhënë një spinning fist kundërshtarit (parakrah që nuk zgjatet për të goditur me bërryl por me kurrizin e grushtit).
Pettis me një rekord dyluftimi (22 fitore dhe 5 humbje) fitoi duke mposhtur një kundërshtar kalibri. Horiguchi ishte kampion i platformës aziatike RIZIN në peshën e lehtë me një rekord mbresëlënës (29 fitore dhe vetëm 3 humbje).
Ndeshja u zhvillua në Mohegan Sun Arena të Uncasville në Connecticut të Shteteve të Bashkuara.
Në përmbyllje të ndeshjes, Pettis deklaroi se e dinte që po e humbiste ndeshjen.
“Më duhet të bëja diçka spektakolare”, nënvizoi ai.
Me këtë fitore, Pettis plotëson një ecuri perfekte në skuderinë e arteve marciale të Bellator (4 fitore dhe asnjë humbje).
ADN-ja
Ishte viti 2010, kur Anthony Pettis mori nofkën “Showtime”, për KO-in që është bërë emblemë e këtij sporti kundër një kocke të fortë si Ben Henderson.
Goditja u zhvillua në minutën e fundit të raundit final.
Nuk mbaron me kaq. Në historinë e ndeshjeve të arteve marciale, kjo ishte ndeshja finale e eventit të fundit të WEC (World Extreme Cagefighting) në histori.
Anthony Pettis përdori kafazin e oktagonit për t’u ngritur nga toka dhe për t’i dhënë kundërshtarit një high-kick që në dukje u nis për middle-kick (goditje që synon trupin).
Henderson u trondit në tapet dhe kamerat regjistruan ndoshta një nga KO-tet më spektakolar të këtij sporti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shea për Albanian Post: Terroristët duhej arrestuar, të bëhet e qartë kush saktësisht negocioi ikjen e tyre të prirë nga Radojiçiçi
-
Basha ironizon Ramën për takimin në Milano: Vetëm pellazgët dhe ilirët mbetën pa u fajësuar për korrupsionin e Qeverisë
-
Gjykata e Lartë lë në fuqi vendimin, Izet Haxhia dënohet me 21 vite burg
-
Shqiptarët e Italisë janë shëmbëlltyra e bashkimit me Evropën demokratike, thotë Rama