Spanjë/ Pushtetit ekstrem i partisë së djathtë Vox

Qytetarët e Madridit do të votojnë të martën, në zgjedhjet rajonale, duke sjellë kështu në vëmëndje, politikat menaxhuese të pandemisë Covid-19.

Pas një fushate të egër që ka përfshirë dhe kërcënime me vdekje, presidentja rajonale konservatore, Isabel Díaz Ayuso, po shkon drejt fitores. Disa sondazhe tregojnë se Partia Popullore (PP) po dyfishon pjesëmarrjen e saj në asamblenë e Madridit.

Por kjo nuk do të thotë që Ayuso nuk do të ketë nevojë për mbështetjen e një partie tjetër, në mënyrë që të formojë një administratë të re.

PP ka qeverisur Madridin për 26 vitet e fundit dhe që nga viti 2019. Ajo ka qenë në koalicion me Ciudadanos (qytetarët), i cili pritet të kandidojë për të fituar ndonjë vend në këto zgjedhje.

Ayuso mund t’i duhet t’i drejtohet ekstremit të djathtë Vox, e cila është partia e tretë më e madhe në parlamentin spanjoll.

Ekipi i Ayuso është shprehur që nëse ajo nuk siguron 69 vendet e nevojshme për të formuar një shumicë absolute, partia e majtë nuk do ta ndalojë atë nga formimi i një pakice në administrate. Një rezultat i tillë mund të nënkuptojë ende se ajo ka nevojë për mbështetjen e Vox-it në një marrëveshje besimi.

Valë kërcënimesh me vdekje

Natyra e ashpër e fushatës zgjedhore pasqyron ndarjen e thellë midis të majtës dhe të djathtës në politikën kombëtare të Spanjës. Një mori kërcënimesh me vdekje dërguar disa politikanëve – shumica e tyre në partinë e majtë ka krijuar tensioni. Ayuso ishte gjithashtu në shënjestër.

Kandidati për të majtën Unidas Podemos (UP), Pablo Iglesias, është midis atyre që kanë marrë kërcënime, duke zbuluar se anëtarët e familjes së tij ishin shënjestruar, pasi iu dërguan katër gëzhoja plumbash në postë.

Sidoqoftë, kandidati i Vox, Rocío Monasterio, hodhi dyshime mbi kërcënimin ndaj tij dhe refuzoi ta dënonte atë posaçërisht, duke bërë që partitë kryesore të majta – UP, Socialistët dhe Más Madrid – të bojkotojnë debatet e fushatës që përfshijnë partinë e ekstremit të djathtë.

Ndërkohë, z. Iglesias, i cili dha dorëheqjen si zëvendës kryeministër për të kandiduar në këto zgjedhje lokale, ka hedhur votën e ardhshme si një zgjedhje drastike midis partive në të majtë dhe PP dhe Vox në të djathtë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.