Pavarësisht lidhjeve të ngushta që ka Serbia me Rusisë, presidenti serb Aleksandër Vuçiç, ka thënë se nuk do t’i njoh rezultatet e referendumeve për bashkim me Rusinë, të shpallura në katër zonat e okupuara të Ukrainës.
“Serbia nuk do t’i njohë ato (referendumet), pasi i përmbahet ligjit ndërkombëtar, Kartës së Kombeve të Bashkuara dhe rezolutat e OKB-së”, ka deklaruar Vuçiç para gazetarëve, transmeton e përditshmja serbe ‘Danas’.
Vuçiç foli edhe për marrëveshjen e fundit të nënshkruar mes diplomacisë serbe dhe asaj ruse dhe siç tha ai, kjo marrëveshje “është përdorur për sulme brutale dhe të ashpra” ndaj Serbisë.
“Unë nuk po luftoj për (presidentin rus) Vladimir Putin ose (presidentin e SHBA) Joe Biden. Unë po luftoj për secilin prej jush, burra dhe gra të Serbisë”.
Ai përsëriti se presionet ndërkombëtare ndaj Serbisë në lidhje me Rusinë janë të shumta dhe se pret që në periudhën e ardhshme të shumohen dhe shtoi se më tetë tetor do t’i drejtohet publikut për shumë “çështje të rëndësishme politike”.
Ndryshe, vazhdimi i bisedimeve për anëtarësimin e Serbisë në Bashkimin Evropian, sipas Parlamentit Evropian, do të kushtëzohet me vendosjen e sanksioneve nga Beogradi ndaj Rusisë.
Kështu të paktën thuhet në një pjesë të draft-raportit për strategjinë e zgjerimit të BE-së e përgatitur nga Tonino Piculla, deputet socialdemokrat nga Kroacia, i cili është raportues i PE-së për këtë strategji.
Në propozime po ashtu thuhet se duhet “të bëhet prioritet përshtatja e vendeve nga procesi i zgjerimit me politikën e përbashkët të jashtme dhe të sigurisë së BE-së dhe të vazhdohen negociatat e anëtarësimit me Serbinë, vetëm nëse ky vend i bashkohet sanksioneve të BE-së ndaj Rusisë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Autorja e sulmit terrorist në Stamboll dënohet me 7 burgime të përjetshme dhe 1794 vjet burg
-
Spanja pezull në pritje të reflektimit të Sánchez për dorëheqjen
-
Aksioni i Frontex në Ballkan jep efekt, bien drastikisht kalimet e jashtëligjshme
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE