Deputeti gjerman i Bundenstagut, Nils Schmid, është takuar me kryeministrin e Kosovës, Albin Kurti, me të cilin ka thënë se kanë diskutuar për Kosovën dhe përkushtimin e tij në Procesin e Berlinit.
Takimin e ka bërë të ditur Schmid përmes një cicërime në platformën ‘X’.
“Ballkani Perëndimor i përket BE-së. Në bisedë me kryeministrin e Kosovës Albin Kurti dhe e falënderova për angazhimin e tij të palodhshëm për një Kosovë të lirë dhe demokratike dhe përkushtimin e tij ndaj Procesit të Berlinit”, ka shkruar ai në ‘X’.
Der westliche Balkan gehört in die EU. 🇪🇺 Im Gespräch mit dem Premierminister des Kosovo 🇽🇰 @albinkurti haben @larsklingbeil und ich ihm für seinen unermüdlichen Einsatz für einen freien und demokratischen Kosovo und das Engagement im Berliner Prozess gedankt. pic.twitter.com/tqaHDj9NQZ
— Nils Schmid (@NilsSchmid) December 11, 2023
Më 23 shkurt, kreu i ekzekutivit përmes llogarisë së tij në Facebook, ka falënderuar deputetet e Kuvendit të Kosovës për mbështetjen që i dhanë tre marrëveshjeve të Procesit të Berlinit, duke u bërë shteti i parë në Ballkanin Perëndimor që i ratifikoi ato.
“Falënderues për mbështetjen e secilit deputet dhe secilës deputete. Bashkë, sot dëshmuam se Republika jonë është për bashkëpunim të mirë rajonal dhe për progres dhe ecje të shpejtë në jetësimin e Tregut të Përbashkët Rajonal”, shkroi Kurti.
Qeveria e Kosovës, më 8 shkurt, kishte miratuar marrëveshjen për lëvizjen e lirë me letërnjoftime në Ballkanin Perëndimor, e cila do të mundësojë lëvizjen pa viza të qytetarëve nga Kosova dhe Bosnjë dhe Hercegovina.
Më 3 nëntor, gjashtë shtetet e Ballkanit Perëndimor arritën edhe marrëveshjen për njohjen e kualifikimeve të arsimit të lartë dhe atë për njohjen e kualifikimeve profesionale të mjekëve, dentistëve dhe arkitektëve.
Procesi i Berlinit nisi në vitin 2014 si një iniciativë diplomatike lidhur me të ardhmen e zgjerimit të Bashkimit Evropian me fokus raportet e BE-së me vendet e Ballkanit Perëndimor që kishin filluar ta humbnin durimin me procedurat burokratike të unionit që ngjanin si pengesa pa cak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Pjesëmarrje masive në tubimin qendror të Frontit Evropian në Tetovë
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel