Këtë edicion gara për titull kampion në Superligën e Kosovës në futboll është bërë më interesante se kurrë më parë.
Ballkani, Prishtina dhe Drita, janë klubet të cilat po zhvillojnë një garë të ashpër, për të ngritur lartë trofeun më të çmuar të futbollit në Kosovë.
Kur kanë mbetur edhe pesë javë nga fundi i kampionatit, vendin e parë në tabelë e mban klubi nga Suhareka, Ballkani, të cilët pas 31 ndeshjeve të zhvilluara kanë grumbulluar 67 pikë.
Në vendin e dytë pozicionohet Prishtina, të cilët pas po aq ndeshjeve të zhvilluara grumbulluan veç një më pak.
Ndërsa në vendin e tretë, është kampioni aktual i Superligës, Drita, me 65 pikë, të cilët në dy ndeshjet e fundit kishin humbur ritmin dhe rrëshqitën nga vendi i parë në të tretin.
Pozicionimi në javët e ardhshme do të varet shumë nga vështirësia e orarit në pesë xhirot e ardhshme.
Por, djelmoshave të Ballkanit do t’u duhet të djersiten më shumë, pasi që luajnë si mysafirë kundër Dritës dhe më pas prapë udhëtojnë në kryeqytet për t’u përballur me Prishtinën.
Por, as Prishtina e dytë nuk është se do të ketë ndeshje edhe të lehta.
Bardhekaltërit, do të luajnë në udhëtim te Llapi, Besa dhe Gjilani, derisa në shtëpi, përveç Ballkanit, do të presin Feronikelin në xhiron e 34-të.
Njëjtë si Prishtina, mbase edhe më vështirë, pritet ta ketë Drita.
Intelektualët ndeshjen e radhës do ta zhvillojnë me Feronikelin në shtëpi, pastaj me datën 5 maj, do të luajnë derbin e Anamoravës me Gjilanin.
Katër ditë pas derbit, skuadra gjilanase e pret Ballkanin në shtëpi, udhëton te Drenica dhe në ndeshjen e fundit ballafaqohet me Arbërinë.
Ndeshjet e mbetura në Superligën e Kosovës:
JAVA 32
E Shtunë, 01.05.2021
15:00 Drita – Feronikeli
15:00 Trepça‘89 – Besa
15.00 Arbëria – Gjilani
E Diel, 02.05.2021
15:00 Llapi – Prishtina
15:00 Drenica – Ballkani
JAVA 33
E Mërkurë, 05.05.2021
15:00 Gjilani – Drita
15:00 Feronikeli – Trepça ‘89
15:00 Besa – Prishtina
E Enjte, 06.05.2021
15:00 Ballkani – Arbëria
15:00 Drenica – Llapi
JAVA 34
E Diel, 09.05.2021
15:00 Drita – Ballkani
15:00 Prishtina – Feronikeli
15:00 Trepça’89 – Gjilani
15:00 Arbëria – Drenica
15:00 Llapi – Besa
JAVA 35
E Diel, 16.05.2021
15:00 Gjilani – Prishtina
15:00 Ballkani – Trepça’89
15:00 Drenica – Drita
15:00 Arbëria – Llapi
15:00 Feronikeli – Besa
JAVA 36
E Diel, 23.05.2021
15:00 Prishtina – Ballkani
15:00 Drita – Arbëria
15:00 Llapi – Feronikeli
15:00 Trepça’89 – Drenica
15:00 Besa – Gjilani
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës