Vendimi i Qeverisë së Republikës së Kosovës për ndalimin e prodhimit të kriptovalutave, ka bërë që disa qytetarë të cilët prodhojnë kriptovaluta, të fillojnë t’i shesin pajisjet e tyre, nga të cilat kanë fituar mijëra euro në vitet e fundit.
Njoftimet për shitjen e pajisjeve po bëhen kryesisht në grupe të ndryshme në rrjetet sociale, ku zakonisht diskutohet vetëm për çështjen e kriptovalutave.
Varësisht nga pajisjet çmimet janë nga më të ndryshmet, duke filluar nga 1 mijë e 500 e deri në 8 mijë euro.
Një prodhues i kriptovalutave për Radio Evropën e Lirë (REL) ka thënë se është detyruar t’i shesë tri pajisjet e tij, në mënyrë që të mos veprojë në mënyrë kundërligjshme.
“I kam pasur tri pajisje dhe të tria i kam shitur, sepse Qeveria nuk ka dhënë afat se për sa kohë do të ndalohet prodhimi i kriptovalutave. Po të kishte një afat, do t’i ndalonim përkohësisht. Të tri pajisjet i kam shitur për 1 mijë e 500 euro”, ka thënë ai n kushte anonimiteti.
Në aplikacionin “Telegram” ku participojnë një numër i madh i njerëzve po bëhet shitblerja e pajisjeve për prodhim të kriptovalutave.
“Kam filluar qe më shumë se 6 muaj të prodhoj kriptovaluta. Për momentin kam një pajisje (Rig 5700xt 6-GPU). E kam blerë 7 mijë euro. Pesë mijë euro i kam marrë kredi për ta blerë. Çdo muaj prej kësaj pajisje i kam fituar 500 deri 600 euro”, ka thënë njëri prej tyre bashkëbiseduesve të REL.
Sipas tij, Vendimi i Qeverisë së Kosovës për ndalimin e prodhimit të kriptovalutave, është pak i ngutshëm dhe shpreson që i njëjti të anulohet, mirëpo ai thotë se ende nuk ka vendos nëse do ta shesë pajisjen, pasi që, sipas tij, nuk shpenzon shumë rrymë.
Bie çmimi i pajisjeve
Përveç shitjes së pajisjeve, prodhuesit e kriptpvalutave kanë filluar t’i tërheqin edhe fitimet.
Në Prishtinë në njërën nga kompanitë për këmbimin e kriptovalutave kanë thënë se ata që kanë kriptovaluta, tashmë kanë filluar t’i tërheqin fitimet, pavarësisht se vlera e tyre aktualisht ka rënë.
Ardian Alaj, bashkëpronar i njërës prej kompanive për këmbim të kriptovalutave, për REL ka thënë se me datat 4 dhe 5 janar ka qenë një fluks më i madh i njerëzve, të cilët kanë këmbyer valutat e tyre.
Vendimi i Qeverisë nuk ka pasur shumë sqarime dhe njerëzit ndihen të rrezikuar se çfarë do të ndodhë me valutat e tyre ka thënë ai.
“Kemi klientë të rregullt që çdo muaj vijnë i konvertojnë fitimet e tyre për nevoja të rrymës, internetit dhe nevojat e tyre personale, por këto dy ditë fluksi i njerëzve ka qenë më i madh dhe sasia e këmbimit të valutave ka qenë shumë e madhe krahasuar me muajt paraprakë”.
“Ajo çka po vërehet është se çmimi i pajisjeve ka pësuar rënie shumë të madhe. Zakonisht blerja e një pajisje, ka kushtuar deri 5 mijë euro, tash mund të gjendet në treg me 2 mijë deri 2 mijë e 500 euro”, ka thënë Alaj.
Ndërsa sipas Doganës së Kosovës, vetëm gjatë vitit 2021 për tregun e Kosovës janë importuar pajisje për prodhim të kriptovalutave në vlerë rreth 600 mijë euro.
Qeveria zotohet se do t’i ndalojë kriptovalutat edhe në veri
Qeveria e Kosovës ka bërë të ditur të martën e katër janarit se do të identifikohen lokacionet e prodhimit të kriptovalutave në të gjithë territorin e Kosovës.
Policia në dy operacione të ndara, më gjashtë janar ka sekuestruar 70 aparate për prodhimin e kriptovalutave.
Sipas Qeverisë “në vitin 2021 është rritur konsiderueshëm konsumi i energjisë elektrike dhe një ndër faktorët e rritjes së konsumit besohet të jetë prodhimi i kriptovalutave në vend, me theks të veçantë në veri të vendit”, përcjell REL.
“Sa për ilustrim, prodhimi i një kriptovalute, duke marrë parasysh shifra konservative, konsumon energji sa afro 19 shtëpi kosovare mesatare në vit”, thotë Qeveria.
Albanian Post lidhur me prodhimin e kriptovalutave, shpenzimin e energjisë dhe vendimin e Qeverisë për ndalimin e prodhimit ka realizuar një storie me ekspertin e kriptovaluave, Milot Mehmeti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ambasadori rus, Mikhail Afanasiev, përfundon misionin diplomatik në Shqipëri
-
Operacioni policor “Baroni” në Prishtinë dhe Gjilan, sekuestrohen armë zjarri
-
Shansi i fundit për marrëveshje ose do të hyjmë në Rafah, thotë Izraeli
-
Mbledhje për dokumentarin e Rai-t, Spiropali: Kërkojnë të na vënë në tabaka emisionin e gatuar në Tiranë
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE