Paris Saint Germain ka shënuar fitore bindëse me rezultat 5:1 ndaj skuadrës së Lorient, në ndeshjen e vlefshme të javës së 30-të në Ligue 1.
Kylian Mbappe ishte protagonist në këtë ndeshje, i cili realizoi dy gola dhe dhuroi tre asistime.
Pas vetëm 12 minutash lojë, Neymar i kaloi parisienët në epërsi me një asistim të Mbappe-s.
Mbappe u shfaq në minutën e 28-të, ku këtë radhë shënoi golin për 2:0, rezultat me të cilin edhe përfundoi pjesa e parë.
Pjesa e dytë filloi më mirë për mysafirët, që ngushtuan rezultatin në 2:1 me golin e realizuar prej Terem Moffi.
Por, Mbappe në minutën e 67-të, ishte sërish në listën e realizatorëve për rezultatin 3:1, ndërsa asistues ishte Achraf Hakimi.
Për rezultatin 4:1 të parisienëve u përkujdes Lionel Messi, që shënoi në minutën e 73-të, ndërsa francezi realizoi edhe asistimin e tij të dytë.
Mbappe realizoi më pas ‘hat-trick asistimesh’, pasi e gjeti Neymar-in në minutën e 90-të, për të shënuar golin e dytë personal dhe të pestin për skuadrën e tij.
Pas javës së 30-të, PSG vazhdon të jetë lider me 68 pikë, ndërsa në xhiron e ardhshme luan ndaj Clermont.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës