Ponte Prizreni ka triumfuar në ndeshjen e parë të Ligës Unike për këtë edicion, duke mposhtur në udhëtim kampionët e Ligës Unike, Pejën me rezultat 75:81.
Ky takim ishte i vlefshëm edhe për Prince Caffe Superligën e Kosovës në basketboll, ku pejanët pësuan humbjen e parë në këtë edicion.
Vendasit për një nuancë ishin më të mirë në çerekun e parë, që e fituan në fund 21:15.
Por periudha e dytë u takoi tërësisht mysafirët që e rikthyen epërsinë në të mirë të tyre, ku më e larta ishte 33:42, ndërsa shkuan në pushim rezultat 36:42.
Prizrenasit vazhduan me lojë të mirë në periodën e tretë, për të ngritur edhe më shumë epërsinë, duke arritur në 17 pikë, 42:59.
Megjithatë nga ky moment pejanët u këndellën duke ngushtuar epërsinë në 55:63, sa ishte rezultati në semafor pas 30 minutash.
Por, verdhezinjtë vazhduan me lojë të mirë, duke bërë përmbysjen e madhe, ku barazuan shifrat në 65:65, e më pas kaluan në epërsi 67:65 dhe deri në fund të ndeshjes u zhvillua lojë interesante dhe e barabartë, por më të vëmendshëm ishin mysafirët që triumfuan 75:81.
Te Peja u dallua Jalen Tate me 13 pikë e gjashtë kërcime, ndërsa te Ponte Prizreni më i miri ishte Dachon Burke me 33 pikë e tetë kërcime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
