![](https://albanianpost.com/wp-content/uploads/2024/06/amblatinskeamerike-petkovic.jpg)
I ashtuquajturi drejtor i Zyrës për Kosovën në Qeverinë e Serbisë, Petar Petkoviç, të enjten, ka takuar ambasadorët e shteteve të Amerikës Latine në Serbi: Argjentinës, Brazilit, Kubës, Meksikës dhe Venezuelës.
Në një komunikatë për media e lëshuar nga kjo e ashtuquajtura Zyrë për Kosovën, theksohet se Petkoviç ka shprehur mirënjohjen e tij për qeveritë e këtyre vendeve për “mbështetjen e sovranitetit dhe integritetit territorial të Republikës së Serbisë dhe për respektimin e vazhdueshëm të Rezolutës 1244 të Këshillit të Sigurimit të OKB-së”.
Petkoviç, siç theksohet në komunikatë, ka njoftuar ambasadorët e Argjentinës, Brazilit, Kubës, Meksikës dhe Venezuelës “për problemet me të cilat ballafaqohet populli serb çdo ditë në Kosovë”.
“Kurti kohët e fundit ndaloi përdorimin e dinarëve në Kosovë dhe transaksionet e pagesave me Serbinë”, ka thënë Petkoviç, ndërsa ka theksuar se Beogradi zyrtar për këtë çështje në dialog ka pasur “propozime konstruktive, por Prishtina i ka refuzuar”.
Petkoviç i është ankuar ambasadorëve të shteteve të Amerikës Latine edhe për mos-formimin e Asociacionit të Komunave me Shumicë Serbe nga ana e Kosovës.
“Jam i shqetësuar për faktin se Kosova me këmbëngulje refuzon të përmbushë obligimin për formimin e Asociacionit”, pretendoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dorëheqja e serbëve nga Policia në Veri – “disa kërkuan të kthehen”
-
“Ulqini, shtëpi e dytë për kosovarët”, Osmani uron kryetarin e ri Genci Nimanbegun
-
Hamza optimist: Do të jem kryeministër i ardhshëm i Kosovës
-
“I shkaktuan dëme mbi 600 mijë euro dhe e detyruan viktimën ta mbyllte kompaninë”, Policia jep detaje për dy fajdexhinjtë e arrestuar
Lajmet kryesore
-
“Black out” energjetik në rajon, Komisioni Evropian nis hetim ndërkombëtar për incidentin
-
Metani takim me homologun e tij francez: Forcim i standardeve profesionale dhe të etikës së magjistratëve
-
Çështja ndaj Trump për dokumentat sekrete – mbrojtja sfidon emërimin e Prokurorit të Posaçëm
-
Dorëheqja e serbëve nga Policia në Veri – “disa kërkuan të kthehen”