Të paktën 151 persona u vranë dhe mbi 82 të tjerë u plagosën pasi u shtypën nga një turmë e madhe, që po shtynte përpara në një rrugë të ngushtë gjatë festimeve të Halloween-it në Korenë e Jugut.
Choi Seong-beom, shefi i departamentit të Zjarrfikësit të Seulit, tha se numri i të vdekurve mund të rritet pasi punonjësit e urgjencës po vazhdonin të transportonin të lënduarit në spitale.
Kjo ishte ngjarja e parë e Halloween-it pa maska në natyrë që nga pandemia.
Sipas “BBC”, incidenti vdekjeprurës ndodhi në një kodër ku njerëzit në majë u rrëzuan, duke shkaktuar një përplasje masive.
Raportohet se kishte 100 mijë njerëz në zonë.
“Zona është ende kaotike, kështu që ne ende po përpiqemi të kuptojmë numrin e saktë të njerëzve të plagosur”, tha Moon Hyun-joo, një zyrtar në Agjencinë Kombëtare të Zjarrit për agjencinë e lajmeve “Reuters”.
Shtetas të huaj raportohet të jenë në mesin e shumë të transferuarve në spitalet aty pranë.
Videot në mediat sociale treguan njerëzit e shtrirë të shpërndarë në cepat e rrugicave.
Policia konfirmoi gjithashtu se dhjetëra njerëzve po u jepej ndihma e parë në rrugë ndërsa shumë të tjerë janë dërguar në spitalet aty pranë.
Një oficer i policisë lokale tha se ai ishte i informuar se një rrëmujë ndodhi në rrugët e Itaewon-it, ku një turmë njerëzish u mblodhën për festimet e Halloween.
Oficeri kërkoi anonimitet, duke thënë se detajet e incidentit ishin ende nën hetim.
Disa raporte të mediave lokale më herët thanë se përplasja ndodhi pasi një numër i madh njerëzish nxituan të largoheshin nga një bar.
Presidenti i Koresë së Jugut, Yoon Suk Yeol, lëshoi një deklaratë duke u bërë thirrje zyrtarëve që të sigurojnë trajtim të shpejtë për të lënduarit dhe të rishikojnë sigurinë e vendeve të festimit.
Ai gjithashtu udhëzoi Ministrinë e Shëndetësisë që të vendosë me shpejtësi ekipet e ndihmës mjekësore në rast fatkeqësie dhe të sigurojë shtretërit në spitalin aty pranë për të trajtuar të lënduarit.
Po ashtu, reagime ka pasur dhe nga Shteter e Bashkuara të Amerikës.
Këshilltari i Sigurisë Kombëtare i Shtëpisë së Bardhë, Jake Sullivan, shkroi në Twitter se “raportimet nga Seuli janë zemërthyese”.
“Shtetet e Bashkuara janë të gatshme t’i ofrojnë Republikës së Koresë çdo mbështetje që i nevojitet”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli shkon edhe më tej në Rafah duke sfiduar opinionin ndërkombëtar
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Komandanti i KFOR-it kërkon nga Kurti e Sveçla që të shmangen veprimet e njëanshme
-
Politikani katalunas: Spanja hipokrite dhe me standard të dyfishtë – njeh Palestinën, por jo edhe të drejtën e kosovarëve për shtet
Lajmet kryesore
-
Gërvalla: Nuk e zbatojmë variantin e BE-së për Asociacionin, derisa Beogradi nuk zbaton marrëveshjen e Brukselit
-
Basha kritikon sjelljen e Vuçiç në OKB: Simboli me tre gishta, sinjal i keq për stabilitetin e rajonit
-
Nathan Thrall: “Evropa duhet të izolojë Izraelin, palestinezët janë në geto prej 50 vitesh”
-
Shoqata e Mikrofinancës dënon praktikat në shkelje të ligjit, pas rasteve abuzive të publikuara