Ka përfunduar ndeshja në “Wembley” me fitoren e Anglisë, të cilët i hakmerren Kroacisë për humbjen që i shkaktuan në gjysmëfinalet e botërorit të fundit.
Vendimtar ishte Raheem Sterling, me golin e tij në minutën e 57-të.
Tre luanët ishin më të mirë gjatë gjithë ndeshjes, por nuk arritën të konkretizojnë më shumë se një rast.
Kroacia në anën tjetër nuk arriti të përfitojë nga kualiteti i lartë në mesfushë.
Ekipi i ri i Anglisë jep shpresë për një EURO historike për skuadrën e Southgate.
Emra si Mount, Phillips, Grealish, Foden e Bellingham, mund të jenë vendimtar në tentativën për të shkruar historinë.
I fundit, Jude Bellingham, shkruajti historinë, duke u bërë futbollisti më i ri që luan në një Evropian.
Ai zëvendësoi sulmuesin e Tottenham-it, Harry Kane, që nuk kishte shumë mundësi në këtë ndeshje.
Tre luanët udhëheqin grupin D, duke filluar Evropianin në mënyrë perfekte.
Ndeshja tjetër e grupit zhvillohet nesër mes Çekisë dhe Skocisë.
Anglia luan më 18 qershor përballë Skocisë, në të njëjtën ditë, edhe Kroacia zhvillon ndeshjen përballë Çekisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmojë VLEN-it t’i fitojë zgjedhjet, Kasami për AP: Bashkëpunimi do të vazhdojë