Instituti i Statistikave në Shqipëri (INSTAT) ka publikuar të dhënat e fundit mbi pagat mesatare në Shqipëri, ku në sy bie se pavarësisht vitit pandemik 2020, gratë kanë arritur të rrisin pagat e tyre me 4.6% në raport me vitin 2019, duke ulur kështu hendekun e pagave mes tyre dhe burrave.
Këta të fundit nga ana tjetër, kanë arritur që pagat ti rrisin me vetëm 0.7%.
Në terma të gjerë, paga mesatare e grave shkoi në 51 mijë e 700 lekë. E burrave ndërkaq shkon në 55 mijë e 300 lekë. Shifrat e referuara janë ato bruto.
Pra, ndërsa në vitin 2019 gratë paguheshin 10.1% më pak se burrat, gjatë 2020-s ato paguhen 6.6% më pak se burrat.
Katër kategori pune, janë më të mirëpaguara për gratë se sa për burrat. Ndër to, kryesorja është ajo e drejtuesit administrativ dhe komercial. Në këtë kategori, në terma bruto, gratë fitojnë mesatarisht 166 mijë e 400 lekë. Kjo shumë është 17% më e lartë se sa ajo e drejtuesve burra.
Tre profesionet e tjera ku gjinia femërore ka epërsinë e pagës, janë ato të punonjësve në profesionet e elektro-teknologjisë, të shërbimeve personale dhe mbrojtëse dhe gjithashtu ato të punimit të metaleve dhe montimit të makinerive.
Në tre profesione, shpërblimi mujor financiar është i ngjashëm. Bëhet fjalë për punonjëset e ndërtimit, shërbimin dhe ndihmën si edhe përgatitjen e ushqimit.
Profesioni i dyti më i mirëpaguara për gratë, është ai i drejtueseve të prodhimit dhe të shërbimeve të specializuara. Paga për këtë profesion është mesatarisht 102 mijë e 700 lekë. Gjithsesi, në këtë kategori, burrat paguhen mesatarisht 15% më shumë se gratë.
Teknologjia e informacionit ka parë gjithashtu përafrim të pagave. Me 96 mijë lekë në muaj, pagat e grave janë 4.5% më të ulëta se të burrave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Prokuroria Fier dërgon në gjyq 3 persona, shkaktuan 3 milionë lekë dëm me ndërhyrjen në Vjosë
-
Arrestohet 27-vjeçari nga Kosova, pasi aksidentoi për vdekje 60-vjeçarin në ‘Milot-Morinë’
Lajmet kryesore
-
Nis takimi trepalësh në Bruksel
-
Mediu i kërkon GJKKO-së të kryhet një akt i ri ekspertimi ekonomiko-financiar për Gërdecin
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri