Futbollisti me prejardhje nga Kosova, Xherdan Shaqiri, realizoi një asistim në ndeshjen debutuese të tij me Lyon-in
Ai shërbeu për golin e dytë të skuadrës së tij në ballafaqimin me Strasbourg-un, të cilën e fituan me rezultat 3:1.
Derisa ishte duke ekzekutuar një rivënie nga këndi, emri i Shaqirit thërritej mes ovacionesh nga tifozët e Lyon-it.
Më pas, Shaqiri i kundërshpërbleu ata duke asistuar për shokun e skuadrës, Jason Denayer, i cili realizoi golin për 2:0.
Dy golat e tjerë për Lyon-in u realizuan nga Dembele dhe Paqueta, ndërsa golin e vetëm për mysafirët e shënoi Diallo.
Ndërkaq skuadra e Lyon-it pas pesë ndeshjeve të luajtura në kampionatin francez, pozicionohet në vendin e shtatë në tabelë me tetë pikë të grumbulluara, duke realizuar dy fitore, dy barazime dhe një humbje.
Pas ndeshjes Shaqiri, përmes një postimi në Twitter, falënderoi tifozët për mbështetjen e madhe që ia ofruan gjatë ndeshjes.
“Debutim dhe fitore. Faleminderit Les Gones për mbështetjen e mahnitshme dje”, shkruan Shaqiri.
Debut ✅victoire✅!👌🏼 Thank you Les Gones for the amazing Support yesterday🔥😍🙏🏻 Allez @OL 🔴🔵🦁 #XS29 @Ligue1UberEats pic.twitter.com/skwYk9n82Z
— Xherdan Shaqiri (@XS_11official) September 13, 2021
Kujtojmë që Shaqiri iu bashkua Lyon-it brenda këtij afati kalimtar veror, të cilët paguan te Liverpool-i shumën e 11 miionë eurove.
Përveç Liverpool-it, ai luajti edhe në skuadra të ndryshme, si: Basel, Bayern Munich, Stoke City e Inter.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE
