“Fëmijët dhe njerëzit e moshuar në Korenë e Veriut janë të rrezikuar nga uria”. Kështu është shprehur një ekspert i Organizatës së Kombeve të Bashkuara.
Raportuesi special i OKB-së për të drejtat e njeriut në vend, Tomas Ojea Quintana, tha se sanksionet ndërkombëtare dhe një bllokim i COVID-19 kanë sjellë përkeqësimin e mungesës së ushqimit.
Si rezultat, koreanoveriorët po luftojnë çdo ditë për të “jetuar një jetë me dinjitet”, tha Tomas Ojea Quintana.
Ai bëri thirrje që sanksionet – të vendosura mbi programet bërthamore të Koresë së Veriut – të hiqen për të parandaluar një krizë.
Koreja e Veriut mendohet të jetë në gjendje të rëndë ekonomike.
Udhëheqësi suprem, Kim Jong-un mbylli kufijtë për të frenuar përhapjen e COVID-19.
Si rezultat, tregtia me Kinën ka rënë. Korea e Veriut mbështetet në Kinë për ushqim, pleh dhe karburant.
Agjencia shtetërore e lajmeve raporti këtë javë se Kim Jong-un pranoi se vendi po përballej me një “situatë të zymtë”.
Ka pasur raporte se çmimet e ushqimit ishin rritur. Këtë e raportoi “NK News” që njoftoi në qershor se 1 kilogram banane kushton 45 dollarë.
Në raportin e tij të fundit, “Quintana” tha se Këshilli i Sigurimit i OKB-së duhet të shikojë lehtësimin e sanksioneve ndërkombëtare dhe të lejojë “ndihmë humanitare dhe shpëtuese të jetës”.
SHBA-të, nën administratën e Presidentit Joe Biden, ka thënë vazhdimisht se është e gatshme të bisedojë me Korenë e Veriut, por ka kërkuar që Pheniani të heqë dorë nga armët bërthamore para se të lehtësohen sanksionet. Korea e Veriut deri më tani e ka refuzuar kërkesën e Biden.
Në fillim të kësaj jave, Kim fajësoi SHBA-të për nxitjen e tensioneve, duke thënë se ajo duhet të vazhdojë zhvillimin e armëve për vetëmbrojtje.
Pavarësisht nga problemet e saj ekonomike, Korea e Veriut ka vazhduar të ndërtojë arsenalin e saj të armëve dhe raketave.
Kohët e fundit ka testuar atë që pretendohet se janë raketa të reja hipersonike dhe kundërajrore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
