Së fundmi dy shtëpitë e modës më të njohura kanë bërë një bashkëpunim, duke prezantuar markat e tyre në një koleksion të vetëm.
Konfirmimi erdhi në sfilatën dixhitale plot nuanca, me veshjet që mbajnë logot e të dyja markave.
Shtëpia italiane e modës zbuloi koleksionin vjeshtë – dimër 2021-2022, me emrin Aria, me rastin e 100-vjetorit të lindjes. Sipas Alessandro Michele-s, drejtorit krijues të Gucci-t, ky koleksion është një homazh për koleksionin e parë të Demna Gvasalia-n për Balenciaga-n.
“Unë kam vjedhur ashpërsinë jokonformiste të Demna Gvasalia-s,” tha Michele në shënimet e dërguara pas shfaqjes.
Ai nderoi drejtorin krijues të Balenciaga-s dhe themeluesin e Vetements, Gvasalia-n, i cili ka kaluar nëpër marka të tilla si Margiela ose Vuitton dhe që po trondit botën e modës me stilin e tij të jashtëzakonshëm.
Koleksioni paraqiti copa me stilin e Balenciaga-s, të Demna Gvasalia, si këpucë e çanta Hourglass, ndër më të shiturat e Balenciaga-s, të ndërthurura me stilin e Gucci-t.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE