Ndeshjet e NBA ishin dramatike dhe befasuese.
Washington Wizards – Brooklyn Nets
Ndeshja mes Washington Wizards dhe Brooklyn Nets ka përfunduar me fitoren e këtyre të parëve me rezultat 113:112.
Ndeshja ishte e baraspeshuar, që nga çereku i parë e deri të sekondat e fundit të ndeshjes.
Në momentet e fundit, teksa rezultati ishte 113:110, Cam Thomas gjuajti për tre pikë, për të barazuar rezultatin, por nuk arriti të shënonte.
Për Nets, kjo është humbja e dhjetë radhazi, e cila i radhit ata në pozitën e tetë.
Para lëndimit të Kevin Durant, Brooklyn radhiteshin në pozitën e parë, por tani kjo mungesë e tij, ka shkaktuar problem të mëdha për Nets.
Më të dalluarit në anët e Wizards ishin Raul Neto me 21 pikë dhe Kyle Kuzma me dyshifrorë të trefishtë prej 15 pikësh, 13 kërcimesh e 10 asistimesh.
Ndërsa te Nets, më të mirët ishin Kyrie Irving me 31 pikë dhe Cam Thomas me 27.
Phoenix Suns – Milwaukee Bucks
Dueli mes Phoenix Suns dhe Milwaukee Bucks përfundoi me fitoren e vendasve me rezultat 131:107.
Fillimi i ndeshjes ishte i baraspeshuar, deri në çerekun e dytë e të tretë ku Suns dominuan plotësisht Bucks.
Chris Paul pati një sekuencë ku e rrëzoi në tokë Jrue Holiday me driblimin e tij dhe pastaj shënoi.
Ndryshe nga ndeshja kundër Lakers, Giannis Antetokounmpo nuk ishte në formën e tij më të mirë përballë Phoenix.
Më të dalluarit në anët e Suns ishin Deandre Ayton me 27 pikë dhe Chris Paul me 17 pikë e 19 asistime.
Ndërsa te Bucks, më të mirët ishin Jrue Holiday e Khris Middleton me nga 21 pikë.
Golden State Warriors – New York Knicks
Ndeshja mes Golden State Warriors e New York Knicks përfundoi me fitoren e këtyre të fundit me rezultat 114:116.
Ndeshja ishte e baraspeshuar, ku fituesi nuk u dit deri në përfundimin e ndeshjes.
Klay Thompson pati mundësinë për të shënuar në posedimin e fundit, por nuk arriti të barazoi rezultatin për Warriors.
Më të dalluarit te Knicks ishin Julius Randle me 28 pikë e 16 kërcime dhe Evan Fournier me 22 pikë.
Kurse te Warriors më të mirët ishin Stephen Curry me 35 pikë e 10 asistime dhe Klay Thompson me 17 pikë.
Ndërsa ndeshjet e tjera të luajtura në NBA përfunduan kështu:
Detroit Pistons – Memphis Grizzlies 107:132
New Orleans Pelicans – Miami Heat 97:112
Houston Rockets – Toronto Raptors 120:139
Dallas Mavericks – Los Angeles Clippers 112:105
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
