Trajneri i Romës, Jose Mourinho, po shijonte një ditë pushimi të dielën e kaluar, por thuhet se frymëzoi fitoren e Romës U19 kundër Fiorentina-s me një fjalim në dhomën e zhveshjes pas pjesës së parë.
“The Special One” u pa në “Stadio Tre Fontane” të dielën, ku ai ndoqi të rinjtë e Romës që po përballeshin me Fiorentina-n në një ndeshje të ligës Primavera së bashku me ndihmësin e tij Nuno Santos.
Trajneri i Romës U19, Federico Guidi, ishte i suspenduar për këtë ndeshje, kështu që, sipas “Il Corriere dello Sport”, Mourinho e frymëzoi ekipin pas pjesës së parë, kur ata ishin duke u mposhtur me rezultat 1:0.
Mourinho hyri në dhomën e zhveshjes gjatë pushimit dhe mbajti një fjalim për të motivuar skuadrën.
Incredibile Mourinho, il discorso ai ragazzi all’intervallo: “Vinciamo” https://t.co/vrg3D3IzC8 @CorSport
— Pasquale Salvione (@salvione) May 8, 2023
“Do të doja të shihja më shumë intensitet dhe ritëm, duhet të jeni më agresiv sepse mbrojtja e Fiorentina-s është më e dobët dhe mund t’i mposhtni”, u kishte thënë Mourinho djelmoshave të Romës.
“Mendoj se pjesa e dytë do të jetë ndryshe, besoj te fitorja”, thuhet se i ka thënë trajneri portugez lojtarëve të rinj të Romës.
Fjalimi i Mourinho-s me sa duket frymëzoi lojtarët e Romës të cilët në fund siguruan fitore me rezultat 2:1 duke e përmbysur ndeshjen.
Kujtojmë që trajneri portugez ka ndjekur shumë ndeshje të skuadrës U19 të Romës këtë sezon, duke promovuar disa lojtarë të rinj për seanca stërvitore me ekipin e të rriturve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE