Është mbyllur përfundimisht numërimi i votave në Bashkinë Shkodër, ku kandidati socialist Benet Beci, ka korrur një fitore historike përballë kandidatit nga koalicioni Bashkë Fitojmë, Bardh Spahia, me një ndryshim prej 11 mijë e 703 votash.
Beci ka arritur të marrë 60.20% të totalit të votave nga 247 kuti të numëruara, ndërsa Spahia vetëm 39.8%.
Një reagim në mbylljen e gjithë procesit e ka pasur menjëherë edhe drejtuesja socialiste e qarkut Shkodër, Elisa Spiropali, e cila e investuar tërësisht për marrjen e “kështjellës historike” të të djathtëve, reagimin e ka pasur tejet modest.
“+11703. Shkodra asht dashni”, shkruan Spiropali në median e saj sociale Facebook.
Në një reagim lidhur me rezultatin, kryebashkiaku i ri tashmë i kryeqytetit të veriut, Benet Beci, theksoi se objektivi i tij, është që ta kthejë qytetin në një qendër të rajonit, duke i falënderuar të gjithë votuesit.
Fitorja historike, Beci: Do ta bëjmë Shkodrën qendër të rajonit
Rivali i tij i djathtë ndërkaq, Bardh Spahia, i cili në zgjedhjet e pjesshme të 6 marsit 2022 arriti që i vetëm ta rrokte Shkodrën nga duart e socialistëve, ka kundërshtuar rezultatin, duke u shprehur se “çdo pushtet i dalë nga bota e krimit dhe paratë e pista nuk jeton gjatë, kurse shpirti i lirë i Shkodrës i ka rezistuar edhe kohërave më të errëta”.
Reagon Spahia pas “dorëzimit” të Shkodrës: Çdo pushtet i dalë nga bota e krimit nuk jeton gjatë
Qyteti verior gjithsesi nuk i ka rezistuar këtë herë kthesës socialiste, që për herë të parë ndodh në 32 vjet demokraci.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
-
Prokuroria kërkon nga KLGJ verifikimin e figurës së Irena Gjokës
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Kosova aktualisht s’është në agjendën e takimit të Komitetit të Ministrave të KiE-së