Deputetët e Kuvendit të Kosovës të premten, do të mblidhen për të vazhduar seancën plenare e cila kishte filluar të martën.
Seanca e re kishte filluar pasi që paraprakisht ishte mbajtur një seancë e jashtëzakonshme në lidhje me vendimin e Zyrës së Rregullatorit të Energjisë Elektrike për ndryshimin e çmimit të rrymës në Kosovë.
Kjo seancë u ndërpre, pasi që opozita lëshoi sallën dhe nuk kishte kuorum për të vazhduar rrjedhën normale të seancës.
Punimet në këtë seancë nisin nga ora 11:00 dhe do të shqyrtohen disa pika.
- Shqyrtimi i raportit për mbikëqyrjen e zbatimit të Ligjit nr. 04/L-139 për Procedurën Përmbarimore, i ndryshuar dhe plotësuar me Ligjin nr. 05/L-118;
- Shqyrtimi i raportit për mbikëqyrjen e zbatimit të Ligjit nr. 06/L-057 për Përgjegjësinë Disiplinore të Gjyqtarëve dhe Prokurorëve;
- Formimi i Komisionit Ad-hoc për përzgjedhjen e kandidatëve për një (1) anëtar të Bordit të Radiotelevizionit të Kosovës, nga radhët e komunitetit serb;
- Raportimi i Qeverisë së Kosovës në Kuvend rreth “Progresit në përfshirjen e objektivave të zhvillimit të Qëndrueshëm në legjislacion, politika dhe buxhet”;
- Debat parlamentar lidhur me Raportin për Vendin për vitin 2021;
- Zëvendësimi i anëtarit të GP LS në Komisionin për të Drejtat dhe Interesat e komuniteteve dhe Kthim.
- Të martën e tetë shkurtit, ka dështuar të mbahet seanca e re plenare e Kuvendit të Kosovës, pasi në sallë ishin vetëm 57 deputetë.
Të martën e tetë shkurtit, ka dështuar të mbahet seanca e re plenare e Kuvendit të Kosovës, pasi në sallë ishin vetëm 57 deputetë.
Pas pauzës të seancës së paradites, e cila zgjati më shumë se një orë, shumë deputetë nuk u rikthyen fare në sallën plenare të Kuvendit.
Ndërsa, deputetët e Partisë Demokratike të Kosovës dhe Lidhjes Demokratike të Kosovës e bojkotuan Kuvendin edhe pasdite.
Rrjedhimisht, kryetari i Kuvendit, Glauk Konjufca bëri të ditur se seanca e njëjtë do të vazhdojë të mërkurën në orën 11:00.
“Konsideroj se nuk ka kushte për sot që të mbahet kjo seancë, shihemi nesër në orën 11:00 për ta vazhduar”, tha Konjufca.
Në rend të ditës për seancën e të martës ishin disa projektligje dhe debati parlamentar për Raportin e Progresit për vitin 2021.
Në seancën plenare në Kuvendin e Kosovës, shefi i grupit parlamentar nga radhët e Partisë Demokratike të Kosovës, Abelard Tahiri, ka kërkuar që të anulohet vendimi i Zyrës së Rregullatorit të Energjisë në Kosovë (ZRRE), për shtrenjtimin e energjisë elektrike për konsumatorët që shpenzojnë mbi 800kË.
“Kërkoj që të fillojmë procedurat menjëherë në këtë seancë dhe të anulojmë vendimin e ZRRE-së”, ka deklaruar shefi i grupit parlamentar të PDK-së, Abelard Tahiri, me të nisur seanca plenare në Kuvend, pak minuta pas votimit nga ZRRE.
Mirëpo, Kuvendi i Kosovës nuk ka votuar mocionin e opozitës për të zhbërë vendimin e Zyrës së Rregullatorit të Energjisë (ZRRE).
Ky propozim është mbështetur nga Lidhja Demokratike e Kosovës dhe Aleanca për Ardhmërinë e Kosovës.
Nga 87 deputet të pranishëm vetëm 36 e kanë votuar, pas mosvotimit opozita ka lëshuar sallën dhe seanca ka vazhduar.
Ndërsa, në mungesë të kuorumit nuk kanë arritur të votohen pikat e tjera të diskutimit.
Sipas propozimit të opozitës, kjo çështje do të vendoset si pikë e parë dhe pastaj të dilej me rezolutë të përbashkët për revokimin e vendimit të ZRRE-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE