Nga Ministria ruse e Mbrojtjes u tha se 723 persona janë evakuuar përgjatë një korridori humanitar të rënë dakord nga qyteti verilindor i Ukrainës, Sumy, të martën.
Ministria citoi agjencinë shtetërore të lajmeve “RIA Novosti”. Kjo e fundit raportoi se mes të evakuuarve përfshinin qytetarë indianë, kinezë, jordanianë dhe tunizianë.
Autokolona e parë që u nis të martën në mëngjes arriti në qytetin e Poltava-s pa incidente, thanë zyrtarët ukrainas.
Një kolonë e mëvonshme u vonua nga një shpërthim zjarri në periferi të qytetit, sipas kreut të administratës rajonale, Dmitry Zhyvitsky.
Por Zhyvitsky u citua në mediat lokale të ketë thënë se forcat ruse nuk qëlluan mbi kolonën.
Është e paqartë nëse kolona vazhdoi drejt Poltava.
Kjo është dita e 13-të e luftimeve mes Rusisë dhe Ukrianës. Kjo e fundit ka bërë një rezistencë të lartë kundër trupave dhe bombardimeve ruse.
Më shumë se 2 milionë njerëz janë larguar nga Ukraina që nga fillimi i sulmit rus në Ukrainë, sipas Komisionerit të Lartë të OKB-së për Refugjatët dhe mbi 11 mijë ushtarë rusë kanë humbur jetën. Ndërsa të paktën 474 civilë, përfshirë 29 fëmijë, janë vrarë në Ukrainë që nga fillimi i sulmit rus më 24 shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Filipinet i bëjnë thirrje SHBA-ve dhe aleatëve të rrisin investimet në vend
-
Izraeli tashmë ka shkatërruar qindra shtëpi në këtë fshat beduin
-
Bizneset perëndimore tërhiqen nga planet e tyre të largimit nga Rusia
-
Gozi: Vetëm struktura aktuale mund të garantojë një të ardhme për BE-në, Meloni është mësuar të gënjejë