Pas lajmeve se Ralf Rangnick-u është i interesuar për shërbimet e lojtarit të Leipzig-ut, Amadou Haidara-s, një tjetër lojtar i gjermanëve duket se është nën radarin e Manchester United.
Britanikja “The Athletic”, raporton se tashmë synimi i United është amerikani, Tyler Adams-i. Ishte vetë Rangnick-u që e afroi 22-vjeçarin te Leipzig-u në vitin 2019 dhe ai mbetet admirues i madh i tij.
Në nëntor u zbulua se Adams-i, së bashku me shtatë lojtarë të tjerë të Leipzig-ut kanë klauzola lirimi në kontratat e tyre. Amerikani e ka klauzolën 40 milionë euro. Dhe kjo shikohet si pengesa e një marrëveshje të mundshme në janar.
Kapiteni i Kombëtares së SHBA-ve, kërkon një ekip ku mund të luajë rregullisht dhe të marrë sa më shumë minuta. Kjo edhe për shkak të Kupës së Botës, që do të luhet vitin e ardhshëm, ku SHBA-ja merr pjesë pas një mungese tetë vjeçare.
22-vjeçari këtë sezon me gjermanët është paraqitur në 13 ndeshje në Bundesliga, pesë në Champions League dhe dy në Kupën e Gjermanisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Çfarë përfiton Tajvani nga paketa e ndihmës së huaj?
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro
