Majlinda Kelmendi, ka fituar medaljen e bronztë në kategorinë deri në 52 kg, në Grand Slamin e xhudos që po mbahet në Tel Aviv të Izraelit.
Kampionja Olimpike paraprakisht kishte shënuar dy fitore, ndaj gjermanes, Annika Wurfel dhe ruses Alesa Kuznetsova për të arritur në gjysmëfinale ku u mposht nga Chelsie Giles e Britanisë së Madhe.
Më pas Majlinda është dashur të takohet në luftë për medaljen e bronztë me belgen Charline Van Snick, e cila nuk u paraqit në tatami, shkaku i lëndimit, andaj vendi i tretë në këtë Grand Slam i takoi kosovarës.
Përveç medaljes së bronztë, Kelmendi fitoi edhe 500 pikë olimpike për Lojërat Olimpike Tokyo 2020.
Kjo medalje për Majlindën është e dyta që prej rikthimit, ngase edhe në turneun e mëparshëm fitoi të bronztën.
Komiteti Olimpik i Kosovës përgëzon suksesin e Majlindës dhe iu uron fat dhe suksese Akil Gjakovës dhe Laura Fazliut, të cilët garojnë nesër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE