Nëse Lojërat Olimpike do të ndodhnin një vit më parë, Lydia Jacoby mund të ishte në Tokyo 2020 thjesht si spektatore.
Por, 17-vjeçarja nga Amerika jo vetëm që po garon në Lojërat e shtyra Olimpike, por tani është edhe një kampione olimpike pasi mundi kampionen në fuqi, Lilly King, në stilin 100 metra ‘breaststroke’.
Adoleshentja arriti ta mbyllë garën e saj më një kohë 1;04.95 duke përfunduar e para.
Prapa la afrikanojugoren, Tatjana Schoenmaker, që përfundoi thuajse një sekond prapa Jacoby.
Kjo medalje, do të thotë që Jacoby është fituesja e parë e të artës olimpike që vjen nga Alaska.
Suksesi i saj është edhe më impresionues kur e konsideron që është vetëm një pishinë e madhësisë olimpike në Alaska.
Ajo pishinë, është 125 kilometra larg vendit ku Jacoby jeton.
“Ishte e çmendur”, tha ajo.
“Pa dyshim që po garoja për një medalje. E dija që mund ta bëja”, vazhdoi Lydia.
“Nuk po e prisja të artën, por kur e ngrita kokën dhe e pash emrin tim të parin, ishte e pabesueshme”.
Madje, Jacoby tha që po të ndodhte që Olimpiada të zhvillohej në kohë, “ajo nuk do të ishte fare e përgatitur”.
“Në këtë vit ekstra të stërvitjes, jam rritur fizikisht dhe mentalisht”, mbylli Jacobs.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE