Lojtarët e FC Porto do të largohen nga klubi vetëm në afatin kalimtar të janarit nëse klauzolat e tyre të lirimit plotësohen, sipas presidentit të klubit Pinto da Costa.
Portieri i Portugalisë, Diogo Costa, 23 vjeç, është një nga ata që kanë tërhequr vëmendjen e klubeve më të mira evropiane, me Manchester United, Chelsea dhe Barcelona që thuhet se janë të prirur për nënshkrimin e tij.
Costa nënshkroi një zgjatje të kontratës me Porto-n muajin e kaluar deri në qershor 2027 dhe ka një klauzolë lirimi prej 75 milionë eurosh.
“Ne besojmë se kemi një skuadër të mirë”, tha Da Costa në Record. “Unë nuk mendoj se dikush do të largohet për shkak të klauzolës. Lojtarët janë të motivuar, ne jemi në fazën e 16-të të Ligës së Kampionëve. Jam i bindur se askush nuk do të largohet. Nën klauzolën [transferimi] askush nuk do të largohet”.
Ndërkohë, Da Costa la të kuptohet se mbrojtësit 39-vjeçar Pepe, do t’i ofrohet një zgjatje e re e kontratës. Pepe, i cili luajti në Kupën e Botës me Portugalinë, bëhet lojtar i lirë verën e ardhshme. Ish-qendërmbrojtësi i Real Madrid-it ka bërë 11 paraqitje në të gjitha garat për Porto-n këtë sezon.
“Për sa kohë që ai mund të luajë, unë mendoj se ai do të luajë edhe për pesë ose gjashtë vjet”, tha Da Costa.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Protesta para Bashkisë Tiranë, policia thirrje që të mos kryhen akte dhune
-
Nëse BE-ja dëshiron të jetë një fuqi globale, ka nevojë për një ‘Big Bang’ dhe 36 anëtarë
-
Perez: BE-ja ta çojë përpara aplikimin e Kosovës dhe ta ndëshkojë Serbinë
