Në ndeshjen më të madhe në Angli, vetëm një skuadër doli në fushë, dhe ajo ishte Liverpool-i.
Skuadra e Jurgen Klopp e turpëroi Manchester United-in deri në atë pikë sa tifozët e lanë stadiumin qysh në pjesën e parë.
Djajtë e kuq u dominuan nga minuta e parë, dhe jo vetëm me posedim, por edhe me gola.
Ende pa u mbyllur çereku i parë i lojës, Liverpool-i shënoi dy herë.
Ishte fillimisht Naby Keita që shfrytëzoi një pasim të mirë nga Salah, dhe më pas Jota që u servua si në pjatë nga Trent Alexander-Arnold.
Pastaj, ishte koha e të përhershmit Mohamed Salah, që e shfrytëzoi stadiumin e United tamam si teatër, duke dhuruar shfaqje.
Ai shënoi dy herë para se të mbyllet pjesa e parë.
Salah shënoi edhe në pjesën e dytë, për të kompletuar hetrikun dhe për të gjetur golin e dhjetë sezonal.
Deri në fund, United nuk kishte fuqi që të ndryshonte asgjë, madje edhe mbeti me dhjetë futbollistë në fushë pas daljes së Pogba-s me të kuq.
Pas këtij turpërimi, tifozët e United shpresojnë që lajmi i parë pas ndeshjes do të jetë shkarkimi i Ole Gunnar Solskjaer.
Liverpool ngjitët në vendin e dytë me 21 pikë, ndërsa United mbetet në të shtatin me vetëm 14 të tilla.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Niger, pa një strategji të vërtetë Biden po humbet Afrikën
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
