Litiumi, bateria e telefonit dhe peizazhi

Gjuetia globale për litium për të fuqizuar pajisjet dhe automjetet elektrike ka arritur majat kohët e fundit.

Agjencia e lajmeve. “BBC”, tregon se edhe në ekranin e kompjuterit apo telefonit mund të gjendet thelbi i kësaj gare.

Por, nga erdhi litiumi?

Miliona vjet më parë, vullkanet depozituan minerale në zona të gjera të Amerikës së Jugut.

Më vonë, uji kaloi nëpër shkëmb për të formuar liqene masivë. Ciklet e avullimit dhe depozitimit pasuan, duke lënë prapa fusha të mëdha kripe të mbushura me një nga mineralet më të kërkuar në botë: litiumin.

Me rritjen e shpejtë të përdorimit të baterisë në pajisjet elektronike dhe makinat elektrike, kërkesa për litium dhe materiale të tjera përbërëse po përshpejtohet.

“BBC” dallon se kjo po i çon kompanitë minerare drejt vendeve të reja dhe ka nxitur shkencëtarët të kërkojnë teknologji alternative të baterive.

Megjithatë, fokusi është se si litiumi po ndryshon pasurinë minerare dhe veçanërisht peizazhet e atyre vendeve që e kanë atë me bollëk.

Në Bolivi dhe Kili, tonazhi i lartë i litiumit i ngulitur në rrafshinat e kripës ka krijuar objekte masive. Nga ajri, pishinat e avullimit të lidhura me nxjerrjen e mineralit e vënë peizazhin “si ngjyra në paletën e një piktori”.

Përmes fotografive, “BBC” ka eksploruar këto vende, tiparet e mrekullueshme të të cilave kanë frymëzuar artistë, shkrimtarë dhe arkitektë të ndryshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.