Libri i ri i Bob Dylan vjen në nëntor

Laureati i Nobelit për letërsi dhe legjenda e folk-rokut Bob Dylan do të publikojë një libër të ri mbi shkrimin e këngëve në nëntor të këtij viti, bëri të ditur kompania botuese e tij “Simon and Schuster”, të martën.

“The Philosophy of Modern Song” (Filozofia e Këngës Moderne) – e planifikuar për botim më 8 nëntor – është libri i parë me shkrime të reja që Dylan ka nxjerrë në treg në gati dy dekada, që kur doli “Chronicles”.

Poeti i dashur amerikan dhe artisti muzikor filloi të shkruajë librin e tij të fundit në vitin 2010, dhe ai përbëhet nga më shumë se 60 ese.

“Botimi i veprës kaleidoskopike të shkëlqyer të Bob Dylan-it do të jetë një festë ndërkombëtare e këngëve të një prej artistëve më të mëdhenj të kohës sonë”, ka thënë  Jonathan Karp, kreu i Simon and Schuster, në një deklaratë.

“The Philosophy of Modern Song” mund të ishte shkruar vetëm nga Bob Dylan. Zëri i tij është unik dhe puna e tij përcjell vlerësimin dhe kuptimin e tij të thellë për këngët, njerëzit që i sjellin ato këngë në jetë dhe çfarë kuptimi kanë këngët për të gjithë ne”.

Thashethemet për një “Chronicles, Volume Two” kanë qarkulluar prej vitesh, por fansat tani do të kenë “Philosophy” për t’i dhënë fund derisa – ose nëse – ai botim të dalë në publik.

Dylan, i cili shpërtheu në skenën e Nju Jork-ut në fillim të viteve 1960, ka shitur më shumë se 125 milionë disqe në mbarë botën.

80-vjeçari ka mbajtur një orar rigoroz të turneve dhe aktualisht është në një udhëtim global që do të vazhdojë deri në vitin 2024.

Në vitin 2020 ai publikoi albumin e tij të 39-të në studio, “Rough and Rowdy Ways”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.