Portugalia u befasua nga Maroku, duke u mposhtur në çerekfinale të Kupës së Botës, humbje kjo që ia shkaktoi edhe eliminimin.
Dëshpërimi ishte i madh nga portugezët, derisa njëri prej tyre tha se Maroku kishte diçka më shumë se ta në atë ndeshje.
Këtë e ka thënë ylli i Milan-it, Rafal Leao, i cili përmes një postimi në faqen e tij në Instagram tha se kundërshtarët ishin më të motivuar për të vazhduar tutje.
“Me grupin që kishim, ambicia ishte të shkonim sa më larg, të fitonim Kupën e Botës. Ne kemi treguar vlerën tonë si skuadër dhe pavarësisht ndjenjës së trishtimit e kemi shijuar në maksimum këtë kompeticion”, shkruan Leao.
View this post on Instagram
“Jemi përballur me një kundërshtar që kishte diçka më shumë se ne. Ne do ta kapërcejmë këtë kapitull së bashku dhe me siguri e ardhmja do të jetë argëtuese. Falënderoj portugezët për mbështetjen e tyre në çdo ndeshje”, shtoi Rafael Leao.
Sulmuesi i Milan-it e mbylli eksperiencën në këtë Kupë Bote me dy gola, një kundër Ganës dhe një kundër Zvicrës, duke luajtur 83 minuta në total.
Ai u zgjodh lojtari në i mirë në kampionatin italian në sezonin e kaluar, megjithatë, trajneri i Portugalisë, Fernando Santos, nuk e inkuadroi Leao-n në asnjë ndeshje që nga fillimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
