Lidhja Demokratike e Kosovës (LDK) në tërësinë e kandidaturave në Zgjedhjet Lokale të 17 tetorit, ka arritur të koncentrojë shumën më të madhe të votave të mërgatës së Kosovës.
Ndonëse vota e mërgatës, në pjesën më të madhe të saj, konsiderohej votë për Lëvizjen Vetëvendosje(LVV), siç kjo e fundit pretendon se e përfaqëson, kjo doli të mos jetë kështu.
Lidhja Demokratike e Kosovës mori 3164 vota nga mërgata, kështu duke u bërë partia më e votuar për nga votat që erdhën nga jashtë vendit.
“LDK-ja, partia më e votuar nga mërgata. Pas përfundimit të numërimit të votave me postë, kandidatët e Lidhjes Demokratike të Kosovës janë votuar më së shumti nga mërgata jonë”, shkroi LDK në faqen e tyre në Facebook.
“Falënderojmë mërgatën tonë anekënd botës për mbështetjen. LDK, për të gjithë!”.
Kurse për kryeqytetin e Kosovës, Prishtinën, nga votat me postë të dërguara nga mërgata, kandidati i Lëvizjes Vetëvendosje, Arben Vitia, ka arritur të marr hiq më pak se 231 vota.
Ndërkaq kundërkandidati i tij me të cilin do të ballafaqohen edhe një herë në ballotazh, Përparim Rama nga Lidhja Demokratike e Kosovës, nga diaspora prishtinase mori gjithsej 52 vota .
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës