Në një deklaratë të fundit të publikuar nga organi më i lartë i futbollit në botë, FIFA, raportohet se më 20 tetor janë shpëtuar nga Afganistani 57 persona, të cilët kanë lidhje me sportin. Ata u zhvendosën në Doha të Katarit.
Të enjten e kaluar, FIFA, në bashkëpunim me Katarin, shpëtuan rreth 100 anëtarë të familjes së futbollit të Afganistanit, përfshirë lojtaret femra.
“Udhëheqja e FIFA-s ka punuar ngushtë me Katarin në përpjekje për evakuim që nga gushti, me Shqipërinë që i është bashkuar kohët e fundit”, thuhet në deklaratën e FIFA-s.
“FIFA tani u bën thirrje të gjitha vendeve anëtare në të gjithë botën që të mbështesin këtë kauzë humanitare, duke u ofruar zgjidhje të përhershme këtyre grave dhe familjeve, për t’u mundësuar atyre të fillojnë të rindërtojnë jetën e tyre”.
Ndërsa, presidenti i FIFA-s, Gianni Infantino, tha se, “ne do të donim të shprehnim falënderimet tona të sinqerta për Amirin e Katarit, Lartësinë e Tij Sheik Tamim bin Hamad Al Thani-n, si dhe për kryeministrin e Shqipërisë, Edi Rama, që na kanë ndihmuar në këtë mision humanitar.
“Ndihmën e tyre në zhvendosjen e sigurt të këtyre anëtarëve të komunitetit të futbollit, në rrethana të tilla sfiduese, ka qenë më se e vyer”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE