![](https://albanianpost.com/wp-content/uploads/2021/10/memli1.jpg)
Kryetari i Partisë Demokratike të Kosovës (PDK), Memli Krasniqi gjatë vizitës së tij në Skenderaj ka takuar fituesin e zgjedhjeve lokale për të parin e qytetit, Fadil Nura dhe drejtuesit e degës së PDK-së, ka thënë se Drenica mbetet zemra e Kosovës por edhe i subjektit të tij politik.
“Drenica ka qenë dhe është zemra e Kosovës e PDK ka qenë dhe është në zemrën e Drenicës. Urime të gjithë qytetarëve të Skenderajt për fitoren e Partisë Demokratike të Kosovës!”.
![](https://albanianpost.com/wp-content/uploads/2021/10/mwmli2-889x1024.jpg)
Ai ka falënderuar të gjithë ata që punuan për fitoren e PDK-së në këtë qytet dhe nën drejtimin e kryetarit të degës, Sami Lushtaku.
“Shumë falënderues ndaj punës dhe përkushtimit të pashoq të të gjithë aktivistëve të partisë, të udhëhequr nga kryetari i degës, Sami Lushtaku, të cilët besuan dhe punuan për fitoren e kryetarit të ri të Komunës së Skënderajt, Fadil Nura”.
Krasniqi krahas urimeve për detyrën e re të Nurës, ka shprehur respektin e lartë për familjen Jashari.
“Fadilit i uruam punë të mbarë në zhvillimin dhe transformimin e qytetit të lavdisë sonë kombëtare e historike”.
“Respekt të thellë e të përhershëm për këtë komunë emblematike, e posaçërisht për Prekazin e Familjes Jashari, vendin e lavdisë së përjetshme, që i dha kombit tonë sakrificën e pashembullt, mbi të cilën është ngritur për të qëndruar përgjithmonë liria dhe shteti ynë sovran e demokratik”, ka shkruar Krasniqi.
![](https://albanianpost.com/wp-content/uploads/2021/10/memli-3-1024x681.jpg)
Partia Demokratike e Kosovës (PDK) me kandidatin e saj Fadil Nura ka fituar në raundin e parë në zgjedhjet lokale të së dielës me një rezultat të thellë prej 57.99% të votave, duke lënë pas kundër kandidatin dhe ish kryetarin e komunës, Bekim Jashari nga Lista Ideal, i cili arriti të marr vetëm 40.64% të votave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Clark të dielën në Kosovë, Abdixhiku ia ndan dekoratën “Dr. Ibrahim Rugova”
-
“Takimi Kurti-Vuçiç do të riciklojë episodet e shfaqjeve të dështimit”
-
Takimi i 26 qershorit, Haliti: Kurti e Vuçiç të kuptojnë se marrëveshjet janë obligim e duhet zbatuar
-
Bajrami i reagon Muratit: Falë mospunës tuaj 61 mijë familje jetojnë në varfëri ekstreme