Turneu i “Final 8” ka filluar dhe ndeshja e parë nuk mund të ishte më emocionues se dueli mes KB Trepça dhe KB Rahovecit.
Përballja mes ekipit nga Rahoveci dhe Mitrovica mbaroi me fitoren e vreshtarëve 66-64.
Dueli mes këtyre dyjave filloi me dominim total të Trepçes në çerekun e parë, por kjo ndryshoi bindshëm në pjesën e dytë të lojës.
Më të dalluarit në ekipin e Trepçes ishin Drilon Hajrizi me 23 pikë, 12 kërcime e 4 asistime dhe Dillon Tremaine Smith me 16 pikë dhe 6 kërcime.
Në ekipin e Rahovecit më të dalluarit ishin Isaiah Traylor me 18 pikë i cili shënoi edhe dy pikët e fundit për të fituar lojën,
Altin Morina me 16 pikë e 4 asistime i cili ishte vendimtar në pjesëlojën e 4 dhe Arian Qallaku me 15 pikë e 6 kërcime.
Morina dhe Qallaku luajtën një rolë të madh në këtë fitore ku hynë në lojë nga banka rezervë dhe shënuan pothuajse gjysmën e pikëve të ekipit të Rahovecit.
Me këtë fitore Rahoveci kalon në gjysme finale dhe pret fituesin e duelit Golden Eagle Ylli-Bashkimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
