![](https://albanianpost.com/wp-content/uploads/2021/08/239306682_234931085204199_2506546496782070198_n1389.jpg)
Kosova ka përfituar 3.8 milion dollarë shtesë nga Shtetet e Bashkuara të Amerikës, pas nënshkrimit të amendamentit të dytë të marrëveshjes së Grantit për Objektivat Zhvillimore, marrëveshje e cila ishte nënshkruar në nëntor të vitit 2020 ku Kosova kishte përfituar 33 milion dollar nga Agjencia e Shteteve të Bashkuara për Zhvillim Ndërkombëtar (USAID).
Me marrëveshjen të cilën e ka nënshkruar Presidentja e Kosovës, Vjosa Osmani, synohet shërbimi më i mirë ndaj qytetarëve nga institucionet llogaridhënëse dhe efektive të qeverisjes, si dhe rritja e mundësive për pjesëmarrje gjithëpërfshirëse demokratike dhe ekonomike.
Presidentja Osmani pas nënshkrimit të marrëveshjes ka potencuar rëndësinë e angazhimit të USAID në Kosovës në zhvillimin e shoqërisë, si dhe mbështetjen e fuqishme të SHBA-ve ndaj Kosovës.
Në maj të këtij viti, ishte nënshkruar edhe amendamenti i parë i marrëveshjes në fjalë, me të cilën Kosova kishte fituar mjete financiare shtesë me vlerë prej 1.6 milion dollar.
Amendament i parë kishte synuar mbikëqyrjen e institucioneve nga ana e qytetarëve dhe shoqërisë civile.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një tjetër përpjekje për të përmbyllur sagën e sigurimeve shëndetësore
-
“Mbështetja e SHBA-së është e palëkundur dhe miqësia jonë është e përjetshme”, thotë Osmani pas takimit me Harrisin
-
Besim Gashi emërohet Atashe i Mbrojtjes së Kosovës në Zvicër
-
Osmani pasi pritet nga Zelenskyy në Zvicër: Jemi për të dhënë mbështetje për lirinë e Ukrainës