Sulmuesi i Interit, Joaquin Correa, iu nënshtrua një raundi testesh mjekësore sot (e hëne 6 shkurt), të cilat konfirmuan praninë e një dëmtimi në kofshë.
Sulmuesi 28-vjeçar argjentinas u detyrua të humbasë fitoren e “Nerazzurrëve” në “Derby della Madonnina” ndaj Milan-it për shkak të një dhimbjeje në kofshë.
Interi fitoi 1:0 falë një goditjeje me kokë Lautaro Martinez në pjesën e parë, duke i lënë ata 13 pikë prapa liderit të ligës Napoli.
#Inter: l'esito degli esami a #Correa https://t.co/QyqMKjLpgk
— calciomercato.com (@cmdotcom) February 6, 2023
Siç theksohet nga “Calciomercato”, Correa iu nënshtrua një raundi testesh mjekësore në institutin Humanitas në Milano, të cilat konfirmuan një ndrydhje në muskulin në kofshën e tij të djathtë.
Ish-sulmuesi i Lazio-s do të mungojë në dy ndeshjet e radhës të Inter-it: kudnër Sampdoria-s më 13 shkurt dhe kundër Udinese-s pesë ditë më vonë, derisa mbetet në dyshim edhe dueli i Ligës së Kampionëve ndaj Porto-s më 22 shkurt.
Correa ka luftuar për të treguar më të mirën e tij për Inter-in që kur u bashkua nga Lazio në verën e vitit 2021, duke shënuar vetëm nëntë gola në 61 paraqitje në të gjitha garat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nis takimi trepalësh në Bruksel
-
6 familje kërcënojnë me vetëflijim ndaj shembjes së banesave të tyre në Thumanë-Kashar
-
Administrata e Biden planifikon dërgesë armësh prej 1 miliard dollarësh në Izrael
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri