Ndeshja për pozitën e tretë në Copa America mes Kolumbisë dhe Peru-së ishte dramatike dhe me shumë gola.
Pozita e tretë në Copa America i takon Kolumbisë, të cilët fituan ndeshjen me rezultat 3:2.
Kolumbia ishin eliminuar në gjysmëfinale, në penalti përballë Argjentinës, ndërsa Peru-ja kishin përballë Brazilit me rezultat 1:0.
Drama mbizotëroi në këtë ndeshje, pasi goli i fitores u shënua në posedimin e fundit të topit.
Golin e parë, arritën ta shënojnë Peru-ja në fund të pjesës së parë, në minutën e 45-të me anë të mesfushorit Yoshimar Yotun.
Në fillim të pjesës së dytë, në minutën e 49-të, kapiteni Juan Cuadrado shënoi për të barazuar rezultatin në 1:1.
Kolumbianët morën epërsinë për herë të parë në ndeshje, në minutën e 66-të me anë të Luis Diaz.
Në minutën e 82-të, Peru-ja barazuan shifrat në 2:2 me sulmuesin Gianluca Lapadula.
Megjithatë, kur mendohej se ndeshja nuk do ketë fitues në kohë të rregullt, Luis Diaz shënoi nga distanca për t’i i dhënë fitoren Kolumbisë.
Finalja e madhe mes Argjentinës dhe Brazilit do të luhet më 11 korrik, në ora 2:00 pas mesnate (me orën tonë lokale).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni
