VfB Stuttgart ka qenë në kontakt të ngushtë me Milan-in pasi të dy palët diskutojnë kushtet e një marrëveshjeje për sulmuesin, Serhou Guirassy.
Kuqezinjtë kanë qenë prej kohësh në kërkim të një numri të ri “9” për të udhëhequr skuadrën e tyre, duke pasur nevojë për një sulmues për të mbushur boshllëkun e lënë pas largimit të afërt të Oliver Giroud.
Me Rafael Leao-n në të majtë dhe Christian Pulisic në të djathtë, një qendërsulmues nevojitet për të kompletuar vijën e parë.
Milan-i ka identifikuar një sërë opsionesh për të forcuar sulmin e tyre, duke përfshirë Joshua Zirkzee të Bologna-s dhe Benjamin Sesko të RB Leipzig, por asnjëri nuk do të ishte i lirë, ku i pari kushton rreth 40 milionë euro dhe i dyti ka një çmim prej 70 milionë euro.
“Gazzetta dello Sport” raporton se si përfaqësues nga Stuttgart-i ndodhen aktualisht në Itali dhe shfrytëzuan rastin për të takuar Milan-in, ku të dy klubet diskutuan kushtet e një marrëveshjeje për Guirassy, i cili ka një klauzolë lirimi prej 17.5 milionë euro në kontratën e tij.
Etiketa e çmimit nuk ishte në fokus të bisedimeve, por përkundrazi se si mund të formulohej një marrëveshje dhe detaje të tjera për një transferim të mundshëm në verë.
Sulmuesi 28-vjeçar nga Guinea ishte në formë të mirë këtë sezon, duke shënuar 30 gola dhe duke dhënë katër asistime në 30 ndeshje në Bundesliga dhe DFB-Pokal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
