Gjilani dominon Drenicën, Ballkani i afrohet titullit pas një fitore dramatike kundër Dukagjinit
Dy ndeshjet e së shtunës në Superligën e Kosovës ishin interesante dhe me befasi.
Ndeshja mes Gjilanit dhe Drenicës përfundoi me fitoren e vendasve me rezultat 5:0.
Gjilani ishin më dominant, duke marrë epërsi të dyfishtë në pjesën e parë.
Goli i parë erdhi në minutën e 14-të me anë të argjentinasit Agustin Torassa.
Pas shumë përpjekjeve për të shënuar, Gjilani dyfishuan epërsinë në fund të pjesës së parë, në minutën e 42-të me anë të 25-vjeçarit nga Bregu i Fildishtë, Keita Razak.
Goli i tretë erdhi në minutën e 76-të, ku shënoi Donjet Shkodra.
Katër minuta më pas, Gjilani shënoi përsëri me anë të Blerim Krasniqi.
Në minutën e 94-të, gjilanasit shënuan përsëri për rezultatin përfundimtar 5:0.
Gjilani radhiten në pozitën e dytë me 52 pikë, ndërsa Drenica janë në vendin e gjashtë me 35 pikë.
Në anën tjetër Ballkani ka fituar me vështirësi kundër Dukagjinit me rezultat 0:1.
Therandasit radhiten bindshëm në pozitën e parë, dhe më këtë fitore, trofeu i Superligës së Kosovës është pothuajse i sigurt.
Ballkani ishin dominant ku kishin mundësi të shumta shënimi, por nuk arritën të shënonin deri në fund, pavarësisht se Dukagjini ishin me 10 lojtarë nga minuta e 64-të.
Heroi i Ballkanit ishte Meriton Korenica, i cili shënoi në minutën e 83-të.
Therandasit radhiten në pozitën e parë me 60 pikë, ndërsa Dukagjini janë në pozitën e tetë me 28 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE