Steven Gerrard-i ka qenë një nga mesfushorët më të spikatur në historinë e futbollit. Por pak kush do e kishte menduar se ish-ylli i Liverpool-it do të shkëlqente edhe si trajner.
Pas eksperiencave të shkurtra tek të rinjtë e Liverpool-it, Gerrard-i u emërua në krye të stolit të Rangers-it në Skoci.
Tek skocezët ka që nga qeshori i 2018 dhe është nën kontratë deri në maj të 2024. Në total deri tani i ka udhëhequr në 150 ndeshje. Mesatarja e pikëve për ndeshje është 2.17 pikë.
Janë 98 fitore, 32 barazime dhe 20 humbje, për Rangers-in nën derjtimin e anglezit. 321 gola të shënuar dhe 99 të pësuar.
Aktualisht Rangers-i mban vendin e parë në Premiershipin e Skocisë, me 69 pikë, pas 25 ndeshjeve. 20 pikë më shumë se rivali i tyre historik Celtic-u.
Rangers-i është skuadra më e titulluar ne Skoci me 54 trofe, e ndjekur nga Celtic-u me 51 trofe. Në nëntë vitet e fundit ka qenë Celtic-u që ka dominuar në Skoci, ndërsa Rangers-i, dy sezonet e fundit (pa sezonin aktual) i është afruar trofeut, por pa mundur ta fitoi.
Ky sezon premton të jetë ndryshe për Rangers-in dhe tifozët e këtij ekipi. Distanca e konsiderueshme me Celtic-un bënë që të gjithë të besojnë te titulli në fundin e sezonit./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
