Fitore dramatike për Dallas Mavericks dhe New Orleans Pelicans

Të shtunën në NBA kishte ndeshje dramatike ku një nga to ishte dueli mes Dallas Mavericks dhe Washington Wizards të cilën e fituan ekipi nga Teksasi.

Mavericks fituan ndeshjen me rezultat minimal 124:125.

Ndeshja ishte e baraspeshuar dhe surprizuese ku nuk dihej fituesi deri në sekondat e fundit të ndeshjes.

Ky duel ishte edhe mes Rusell Westbrook dhe Luka Doncic të cilin e fitoi ky I fundit edhe pse kishte më pak pikë personalisht.

Ndeshjen e fitoi Dorian Finney-Smith i cili shënoi një trepikësh vendimtar për ta fituar ndeshjen.

FINNEY-SMITH FOR 3.
20 DIMES FOR LUKA.@dallasmavs win a thriller! 🔥 pic.twitter.com/E8LNTvYtT8

— NBA (@NBA) May 2, 2021

Më të mirët te Mavericks ishin Luka Doncic me një tre shifrorë të dyfishtë fantastikë me 31 pikë, 12 kërcime e 20 asistime dhe Dorian Finney-Smith me 22 pikë.

Ndërsa te Wizards më të mirët ishin Rusell Westbrook me 42 pikë, 10 kërcime e 9 asistime dhe Bradley Beal me 29 pikë.

https://www.youtube.com/watch?v=ulEuHz10UjM

Ndeshje shumë interesante ishte edhe ajo mes Minnesota Timberwolves dhe New Orleans Pelicans të cilën e fituan këta të fundit me rezultat 140:136.

Ndeshja ishte e baraspeshuar ku dy ekipeve nuk i mjaftoi koha e rregullt për të gjetur fituesin.

Dyshja Zion Williamson dhe Lonzo Ball ishin fantastik pasi u kombinuan për 70 pikë për ta fituar ndeshjen.

Më të mirët te Pelicans ishin Zion Williamson me 37 pikë, 9 kërcime e 8 asistime dhe Lonzo Ball me 33 pikë, 11 kërcime e 8 asistime.

Ndërsa te Timberwolves më të dalluarit ishin Anthony Edwards me 29 pikë e 9 kërcime dhe Karl Anthony Towns me 28 pikë e 14 kërcime.

https://www.youtube.com/watch?v=EMuR3Sly-6Q

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.