“Në ring s’na ka mposhtur askush”, Ahmeti, VMRO-së: Më 24 prill u përballëm me VLEN-in, më 8 maj me ju
“Ky front më 24 prill u përball me opozitën [shqiptare] ‘VLEN’, dhe më 8 maj do të përballemi me [partinë nacionaliste maqedonase] VMRO-DPMNE-në”, ka thënë Ali Ahmeti.
Këto komente, Kryetar i Bashkimit Demokratik për Integrim (BDI), i ka bërë gjatë tubimeve në Strugë dhe Dibër, ku ka theksuar se derisa Fronti Evropian doli me platformën “Po Evropës, Jo Rusisë”, opozita shqiptare, e shoqëruar nga VMRO-DPMNE, doli me fushatën e vetme “për rrënimin e BDI-së”.
“Më 8 maj t’i afrojmë të gjithë në këtë referendum se a do të shkojmë me hapat e duhur drejt anëtarësimit në Evropë, apo do të mbetemi tek izolimi. Formula është e qartë, do të ecim drejt integrimit apo izolimit”, deklaroi Ahmeti.
Izolimi, në vlerësimin e kreut të BDI-së, “nuk na sjellë asnjë dobi”.
“Ne do të kemi një përplasje politike me VMRO-në lidhur me konceptet tona, filozofitë tona, por filozofia jonë është më progresivja për shtetin”, ka vlerësuar Ahmeti.
Ai u tha aktivistëve të BDI-së në Strugë se ata janë garanca e fitores, derisa iu rikujtoi atyre se nuk kanë humbur asnjëherë zgjedhje.
“Uroj që më 8 maj, ju jeni garanca e vetme që fitoren do e thelloni, mandatet do i rrisni. Dhe përballjen… mos u mërzisni se të ringut kemi qenë dhe mbetemi. Në ring s’na ka fituar askush”, shtoi.
Ndryshe, partia nacionaliste maqedonase VMRO-DPMNE, më në krye liderin e saj, Hristjan Mickoski, gjithë fushatën e tyre zgjedhore e kanë reduktuar në sulme ndaj BDI-së, posacërisht kryetarit të saj Ahmeti.
Maqedonia e Veriut më 8 maj do të mbajë zgjedhjet presidenciale dhe raundin e dytë të atyre presidenciale.
Te kampi shqiptar garojnë dy tabore, “Fronti Evropian” dhe koalicioni “VLEN”.
Këto zgjedhje mbahen pak javë pas raundit të parë të atyre presidenciale (24 prill), të cilat, Bujar Osmani, i “Frontit Evropian” në kampin shqiptar i fitoi me një diferencë rreth 40 mijë votash ndaj Arben Taravarit të VLEN.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Putin shkarkon Shoigun dhe cakton një ministër të ri Mbrojtje, në mes të luftës
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
BE-ja shpreh keqardhje që Siljanovska-Davkova s’e përdori emrin kushtetues gjatë ceremonisë së betimit
-
Kurti: Vrasjet pa dallim moshe e gjinie, dëshmi e gjenocidit serb në Kosovë
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Greqia përgjigjet ashpër pas betimit të Davkovës si Presidente e “Maqedonisë”: Kursi evropian varet nga Prespa, respektoni marrëveshjen
-
Kurti: Vrasjet pa dallim moshe e gjinie, dëshmi e gjenocidit serb në Kosovë