Sulmuesi i njohur brazilian, Roberto Firmino, pak ditë më parë e kishte kompletuar transferimin te skuadra arabe, Al Ahli.
Firmino bëri edhe prezantimin te skuadra nga Arabia Saudite, ku do ta ketë bashkëlojtar ish-portierin e Chelsea-t, Edouard Mendy-n, i cili iu bashkua kësaj skuadre disa ditë më parë.
Shifrat e kontratës nuk janë publikuar, por thuhet se Firmino do të fitojë shuma të majme, derisa ka nënshkruar kontratë trevjeçare.
Si Señor 🫡🪄#WelcomeFirmino pic.twitter.com/jZGcJXCUon
— النادي الأهلي السعودي (@ALAHLI_FC) July 4, 2023
Interesim për 31-vjeçarin kishin shumë klube nga Evropa, por ai zgjodhi ofertën nga Arabia Saudite.
Kujtojmë që Firmino ishte pjesë e Liverpool-it për tetë vite, periudhë gjatë së cilës kishte zhvilluar 362 ndeshje në të gjitha garat, nga të cilat ka shënuar 111 gola dhe ka dhuruar 79 asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
